BJP-JDS Alliance News : भाजप-जेडीएसमध्ये कुरबुरी वाढल्या; कर्नाटकातील जागावाटपावरून नाराजी !

Delhi News : आगामी काळात होणाऱ्या लोकसभा निवडणुका डोळ्यांसमोर ठेवून आता सर्वच पक्षांकडून जोरदार तयारी केली जात आहे. कर्नाटकातील लोकसभा जागांसाठी भारतीय जनता पक्ष आणि जनता दल सेक्युलर (जेडीएस) यांच्यात युती झाल्याची घोषणा करण्यात आली होती. मात्र, लोकसभा निवडणुकीसाठी भाजप-जेडीएस यांच्यात लोकसभेच्या जागा वाटपासंदर्भात बंद दाराआड चर्चा सुरू असतानाच आणि ही चर्चा प्रसारमाध्यमांमध्ये आली. यामुळे जेडीएसने नाराजी व्यक्त केली आहे. यावरून आता भाजप-जेडीएसमध्ये राजकीय कुरबुरी वाढल्याचे दिसत आहे. (Latest Marathi News)

कर्नाटकमधील लोकसभा जागावाटपावरची चर्चा भाजप व सेक्युलर जनता दल यांच्यात सुरू आहे. मात्र, ही चर्चा सुरू असतानाच ज्येष्ठ भाजप नेत्यांकडून जागावाटपाबाबत बंद दाराआड झालेली चर्चा बाहेर माध्यमात आली. त्यामुळे धर्मनिरपेक्ष जनता दलाच्या ज्येष्ठ नेत्यांनी तीव्र नाराजी व्यक्त केली आहे. भाजप-जेडीएसमध्ये युतीबाबत अजून कुठलाही अंतिम निर्णय झाला नसल्याचे जेडीएसकडून स्पष्ट करण्यात आले आहे.

कर्नाटक राज्यातील २८ लोकसभा जागांपैकी केवळ चार जागा भाजपने जेडीएसला दिल्याची चर्चा आहे. मात्र, या निव्वळ चर्चा असून आम्ही कुठलाही प्रस्ताव स्वीकारला नसल्याचे स्पष्ट करीत सुरू असलेल्या चर्चेला जेडीएसने नकार दिला आहे. त्यामुळे येत्या काळात या दोन्ही पक्षांंत युती होणार की नाही, याबाबत चर्चा घडून येत आहे.

दुसरीकडे जेडीएसने इंडिया आघाडीसोबत जाण्याचेही संकेत काही दिवसांपूर्वी दिले होते. त्यामुळे आता जेडीएस नेमकी काय भूमिका घेणार, याची उत्सुकता राजकीय वर्तुळात आहे.