Narendra Modi : नवरात्रीच्या शुभेच्छा देत पीएम मोदींनी उचलेले आत्मनिर्भर भारतासाठी मोठे पाऊल; उद्यापासून सर्वांचे तोंड गोड होणार

New Delhi News : पंतप्रधान नरेंद्र मोदी यांनी देशवासियाला संबोधित करत असताना सर्वांना पहिल्यांदा नवरात्रीच्या शुभेच्छा दिल्या. त्यासोबतच आत्मनिर्भर भारतासाठी मोठे पाऊल उचलत असल्याची घोषणा त्यांनी केली. त्याच वेळी उद्यापासून सर्वांचे तोंड गोड होणार आहे. जीएसटीमध्ये सुधारणा केल्याने मध्यमवर्गीयासाठी बचतीचा उत्सव सुरु होत असल्याचे सांगून भारताच्या विकासाला गती येणार असल्याचे त्यांनी स्पष्ट केले.

पंतप्रधान नरेंद्र मोदी (Narendra Modi) देशाला संबोधित करताना म्हणाले की, नवरात्रीच्या पहिल्या दिवशी सुर्योदयासोबतच नेक्स्ट जनरेशन जीएसटी सुधारणा लागू होणार आहे. एकप्रकारे उद्यापासून देशात जीएसटी बचत उत्सव सुरू होणार आहे. या उत्सवात तुमची बचत वाढून तुम्ही तुमच्या पसंतीच्या वस्तू अधिक खरेदी करू शकता.

आपल्या देशातील गरीब, मध्यवर्गीय लोक, युवक, शेतकरी, महिला, दुकानदार, व्यापारी, उद्योजक या सर्वांना या उत्सवाचा खूप फायदा होईल. उत्सवांमध्ये प्रत्येक तोंड गोड होणार आहे. कुटुंबामधील आनंद वाढणार आहे. जीएसटी सुधारणांच्या आणि बचत उत्सवासाठी मी देशवासियांना शुभेच्छा देतो. या सुधारणा देशाच्या विकासाला पुढे नेतील, असे पंतप्रधान नरेंद्र मोदी म्हणाले.

जीएसटीच्या नव्या सुधारणा उद्यापासून लागू होणार आहेत. सर्व राज्यांना तसेच प्रत्येक घटकाला विश्वासात घेऊन जीएसटी लागू करण्यात आला होता. सुधारणा आवश्यक असतात. त्यानुसार या सुधारणा करण्यात आल्या आहे. आता फक्त 5 टक्के आणि 18 टक्के हे दोनच स्लॅब असतील, असे पंतप्रधान नरेंद्र मोदी यांनी सांगितले.

उद्यापासून सर्वांचे तोंड गोड होणार असल्याचे त्यांनी सपष्ट करीत. जीएसटीत सुधारणा करीत उद्यापासून मध्यमवर्गीयासाठी बचतीचा उत्सव सुरु होत असल्याचे सांगून भारताच्या विकासाला गती येणार असल्याचे त्यांनी स्पष्ट केले.