PM Modi's Security Breached : मोदींच्या कारसमोर अचानक महिलेची उडी, सुरक्षेतील मोठी चूक उघड

PM Modi in Jharkhand : पंतप्रधान नरेंद्र मोदी आज झारखंड दौऱ्यावर होते. या वेळी रांचीमध्ये त्यांच्या सुरक्षेत मोठी चूक झाल्याचं समोर आलं आहे. पंतप्रधान मोदींच्या कारसमोर अचानक एक महिला आल्याने काहीसा गोंधळ उडाला होता.

पंतप्रधान मोदी हे बिरसा मुंडा जयंती कार्यक्रमावरून परतत होते. या वेळी एक महिला अचानक पंतप्रधान मोदींच्या कार समोर आली. हे पाहताच सुरक्षेवर तैनात सुरक्षारक्षकांनी त्या महिलेला तातडीने बाजूला केलं.

महिला अचानक पंतप्रधान मोदींच्या कार समोर आल्याने काही सेकंद कार तिथेच उभी होती. पण सुरक्षारक्षकांनी महिलेला लगेचच तिथून हटवल्याने मार्ग मोकळा झाला. आणि पंतप्रधान मोदींचा ताफा पुढे रवाना झाला.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

मध्य प्रदेशातील प्रचार आटोपल्यानंतर पंतप्रधान मोदी हे मंगळवारी झारखंडमध्ये आले होते. त्यानंतर आदिवासी नेता बिरसा मुंडा यांच्या जयंतीनिमित्त आयोजित कार्यक्रमात आज ते सहभागी झाले. त्यांनी रांचीमध्ये बिरसा मुंडा मेमोरियल पार्क आणि स्वातंत्र्य सैनिकांच्या संग्रहालयाला भेट दिली. या वेळी पंतप्रधान मोदींनी बिरसा मुंडा यांना आदरांजली वाहिली. पंतप्रधान मोदींसोबत झारखंडचे मुख्यमंत्री हेमंत सोरेन, केंद्रीय मंत्री आदिवासी विकासमंत्री अर्जुन मुंडा आणि झारखंडचे राज्यपाल सी. पी. राधाकृष्णन उपस्थित होते.