Ratnagiri Sindhudurg Loksabha Update: CM शिंदेंनी किरण सामंतांना तातडीने मुंबईला बोलावलं; मोठा निर्णय होणार?

Mumbai News : भाजप आणि शिवसेनेमध्ये गेल्या काही दिवसांपासून रत्नागिरी-सिंधुदुर्ग लोकसभा मतदारसंघावरून जोरदार रस्सीखेच सुरू आहे. शिवसेनेकडून मंत्री उदय सामंत यांचे बंधू किरण सामंत या मतदारसंघातून इच्छुक आहेत.त्यांच्या समर्थकांनी किरण सामंत यांच्या प्रचारास सुरुवातही केली होती. मात्र,महायुतीकडून ही जागा भाजपला सोडण्यात आल्याची माहिती समोर आली.तसेच या जागेवर भाजपकडून नारायण राणे यांचं नावही पुढे आले.पण आता रत्नागिरी - सिंधुदुर्ग मतदारसंघात मोठा ट्विस्ट आला आहे.

शिवसेनेच्या किरण सामंतांनी रत्नागिरी - सिंधुदुर्गच्या लोकसभा निवडणुकीतून माघार घेतल्याने आणि खुद्द भाजप नेते नारायण राणेंनी आपली उमेदवारी जाहीर केल्याने हा मतदारसंघ चांगलाच चर्चेत आला होता.तसेच महाविकास आघाडीकडून विद्यमान खासदार विनायक राऊत विरुद्ध् महायुतीकडून नारायण राणे यांच्यात लढत होणार असल्याचे स्पष्ट झाले होते.पण या मतदारसंघाबाबत जोरदार हालचाली सुरु आता मुख्यमंत्री एकनाथ शिंदे यांनी तातडीने किरण सामंतांना मुंबईत बोलावून घेतले आहे.

रत्नागिरी-सिंधुदुर्ग लोकसभेच्या जागेबाबत महायुतीतील शिवसेना आणि भाजपने दावा सांगितल्याने तेढ निर्माण झाला आहे.दोन्ही पक्ष या जागेवरील दावा सोडण्यास तयार नसल्याने ही जागा नेमकी कुणाला मिळणार, याकडे लक्ष आहे.महायुतीत काही जागांचा तिढा सोडवताना मुख्यमंत्री एकनाथ शिंदे (Eknath Shinde), उपमुख्यमंत्री देवेंद्र फडणवीस,अजित पवार यांच्या नाकीनऊ आले आहे.

त्यातच रत्नागिरी-सिंधुदुर्ग लोकसभा मतदारसंघावर शिवसेना आणि भाजपने दावा सांगितला आहे. या ठिकाणी भाजप माजी मुख्यमंत्री नारायण राणे यांना उमेदवारी देण्याच्या तयारीत आहे.कोणत्याही क्षणी भाजप राणेंची उमेदवारी जाहीर करण्याची शक्यता आहे.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

याच पार्श्वभूमीवर मुख्यमंत्री एकनाथ शिंदे यांनी किरण सामंत (Kiran Samant) यांना तातडीने मुंबईत बोलावून घेतल्याची माहिती समोर येत आहे.या सगळ्या घडामोडींनंतर शिंदे रत्नागिरी- सिंधुदुर्ग हे किरण सामंत यांना काय सूचना देतात, हे पाहावे लागेल. भाजपने नारायण राणे (Narayan Rane) यांना रत्नागिरी-सिंधुदुर्गातून उमेदवारी जाहीर केल्यास किरण सामंत काय भूमिका घेतात, हे पाहणे महत्वाचे ठरणार आहे.

शिवसेनेचे रत्नागिरी-सिंधुदुर्ग लोकसभा मतदारसंघातील इच्छुक उमेदवार किरण सामंत हे बुधवारी (ता.10) पुन्हा एकदा चर्चेत आले. त्यांनी व्हॉटस ॲपला ठेवलेले स्टेटसने राजकीय एकच खळबळ उडाली. लोकसभेला उमेदवार ठरल्यानंतर त्यात मिठाचा खडा आढळला तर विधानसभेला मी कुणाच्या बापाला ऐकणार नाही, हा उपमुख्यमंत्री अजित पवार यांचा व्हिडिओ त्यांनी स्टेटसला ठेवला. पण या स्टेटसद्वारे त्यांनी नेमका कोणाला इशारा दिला आहे, किंवा त्यांची पुढची राजकीय दिशा काय असणार यावर तर्कवितर्कांना उधाण आले आहे.