Mumbai News : मराठा समाजाला ओबीसीतून आरक्षण मिळावे या मागणीसाठी मनोज जरांगे आक्रमक झाले आहेत. मुंबईतील आझाद मैदानावर त्यांनी उपोषण सुरु केले आहे. शनिवारी त्यांच्या आंदोलनाचा दुसरा दिवस आहे. आरक्षण दिल्याशिवाय आता माघार घेतली जाणार नाही, अशी भूमिका जरांगे यांनी घेतली आहे. त्यामुळे सरकारसमोर मोठा पेच निर्माण झाला आहे. त्यातच माजी मुख्यमंत्री उद्धव ठाकरे यांनी जरांगे यांच्याशी फोनवरून चर्चा केली. इतक्या मोठ्या संख्येने मराठे आले यामुळे उद्धव ठाकरेंही अचंबित झाले, अशी माहिती मराठा आंदोलक मनोज जरांगे पाटील यांनी दिली.
मुंबईतील आझाद मैदानावरील आंदोलनस्थळी विधान परिषदेचे विरोधी पक्षनेते अंबादास दानवे यांनी भेट दिली. यावेळी त्यांनी जरांगे पाटील यांच्यासॊबत चर्चा करीत आंदोलनाला पाठिंबा दर्शवला. त्यासोबतच यावेळी त्यांनी उद्धव ठाकरे (Uddhav Thackeray) यांना फोन करीत त्यांचे बोलणे जरांगे पाटील यांच्याशी करून दिले. ठाकरे यांनी यावेळी आंदोलनाविषयी सविस्तरपणे जाणून घेतले.
राज्य सरकारने तुमच्या मागण्यांवर विचार करायला हवा, असे मत ठाकरे यांनी व्यक्त केल्याचेही मनोज जरांगे (Manoj Jarange) यांनी सांगितले. त्यामुळे उद्धव ठाकरे यांनीदेखील मनोज जरांगे यांच्या आंदोलनाला पाठिंबा दिला आहे. त्यामुळे आता राज्य सरकारवरील दबाव वाढला आहे.
जरांगे यांच्या आंदोलनाला दिवसेंदिवस पाठिंबा वाढत आहे. त्यामुळे अनेक आमदार, खासदारांनी त्यांची भेट घेऊन एकाप्रकारे जरांगे यांच्या मागणीला आपला पाठिंबा असल्याचेच सांगितले आहे. विरोधकांनीही हाच मुद्दा पकडून सत्ताधाऱ्यांना कोडींत पकडण्याचा प्रयत्न सुरु केला आहे.
दरम्यान, मुंबईतील आझाद मैदानावर सुरु असलेल्या उपोषणाचा शनिवारी दुसरा दिवस आहे. त्यामुळे आंदोलनाची मुदत वाढवून द्यावी, यासाठी त्यांनी पोलिसांकडे अर्ज दिला आहे. त्यामुळे शनिवारीही आंदोलनाला मुदतवाढ दिली जाणार का? याकडे सर्वांचे लक्ष लागले आहे. आरक्षण दिल्याशिवाय आता माघार घेतली जाणार नाही, अशी भूमिका जरांगे यांनी घेतली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.