Manoj Jarange Aggressive : 'आंदोलन मागे घेणार नाही, राज्य अस्थिर करण्याचा फडणवीसांचा डाव', मनोज जरांगे पाटील आझाद मैदानातून कडाडले

Maratha Reservation : मनोज जरांगे पाटील यांचा आझाद मैदानात आंदोलन करण्याचा आज (शनिवार) दुसरा दिवस आहे. या आंदोलनात सहभागी झालेल्या आंदोलकांचे हाल होत आहेत. सरकारकडून त्यांना सुविधा उपलब्ध करून देत नसल्याचे सांगितले जात आहेत. त्यातच आज जरांगे पाटलांनी देवेंद्र फडणवीसांवर निशाणा साधत म्हटले की, मराठ्यांना पाणी, जेवण मुख्यमंत्री मिळू देत नाहीत.

'आम्हाला आरक्षण हवंत तर मुख्यमंत्र्यांना राजकारणाला करायचे आहे. सगेसोयऱ्याची अंमलबजावणी तात्काळ करा. मराठ्यांना ओबीसीमधून आरक्षण द्या आमच्या मागण्या तत्काळ मान्य करा. मराठ्यांचा अपमान करू नका.', असे देखील मनोज जरांगे पाटील म्हणाले.

'मी कोणाच्या शब्दावर आंदोलन मागे घेणार नाही. पुन्हा राज्य अस्थिर करू नका. राज्य अस्थिर झाले तर त्याला जबाबदार मुख्यमंत्री देवेंद्र फडणवीस असणार आहेत. अडचणत निर्माण करू नका, फडणवीस मराठ्यांनी तुम्हाला सत्तेत आणलंय. प्रत्येक वेळेस रस्त्यावर मार खात नसतात. सोपं नसतं, पुन्हा खाली गेला तर फडणवीसांना परत कधीच वर येता येणार नाही.', असा इशारा देखील मनोज जरांगे पाटील यांनी दिला.

मराठा आंदोलकांना आवाहन

सीएसटी परिसरता असलेल्या मराठा आंदोलकांची गैरसोय होत आहे. त्यांना पाणी जेवण मिळत नाही. त्यामुळे त्यांनी रस्ता आडवला होता. मनोज जरांगे पाटील त्या आंदोलकांना आवाहन केले की आझाद मैदानावर या. रस्ता अडवू नका.