Beed Collector Action : निवडून आल्यानंतर बेफिकिरपणे वागणाऱ्या आणि मुदतीत जात वैधता प्रमाणपत्र सादर न करणाऱ्या जिल्ह्यातील तेरा ग्रामपंचायतींचे सरपंच आणि चारेशेहून अधिक जणांचे सदस्यत्व रद्द करण्यात आले आहे. बीडचे जिल्हाधिकारी अविनाश पाठक यांनी ही कारवाई करत गावच्या कारभाऱ्यांना जोरदार झटका दिल्याची चर्चा यानंतर जिल्हाभरात सुरु आहे.
सरपंच संतोष देशमुख यांचा खून आणि त्यातील आरोपींना झालेली अटक यावरून राज्यभरात बीड (Beed News) जिल्ह्याची चर्चा सुरू आहे. अगदी देशाच्या राजधानीत बीडमध्ये काय चाललंय याकडे तिथल्या राजकारण्यांचेही लक्ष लागले आहे. अशातच बीडच्या जिल्हाधिकाऱ्यांनी काही सरपंच आणि सदस्यांवर कारवाई करत त्यांची पद रद्द केली आहेत.
13 सरपंच तर 418 सदस्यांचे सदस्यत्व रद्द करण्यात आल्याने जिल्ह्यात एकच खळबळ उडाली आहे. जात वैधता प्रमाणपत्र वेळेत सादर न केल्याने (Collector) जिल्हाधिकाऱ्यांनी हे आदेश दिले आहेत. आष्टी, अंबाजोगाई, वडवणी, पाटोदा, माजलगाव, केज आणि धारूर तालुक्यातील 413 ग्रामपंचायत सदस्य आणि 13 सरपंचांचा यात समावेश आहे.
अनुसूचित जाती, अनुसूचित जमाती नागरिकांचा मागास प्रवर्गासाठीच्या राखीव असलेल्या जागांवर निवडणूक लढविणाऱ्या व्यक्तीस जातीचे प्रमाणपत्र व वैधता प्रमाणपत्र निवडून आल्यानंतर वर्षभराच्या आत सादर करणे बंधनकारक असते. यापुर्वी याच कारणामुळे राज्यातील अनेक जिल्ह्यातील जिल्हाधिकाऱ्यांनी अशाप्रकारच्या कारवाया केल्या आहेत.
2020 पासून पुढे झालेल्या ग्रामपंचायत सार्वत्रिक व पोटनिवडणुकीमध्ये राखीव प्रवर्गातून निवडून आलेल्या अनेक सरपंच आणि ग्रामपंचायत सदस्यांनी त्यांचे जात वैधता प्रमाणपत्र विहित मुदतीत सादर न केल्याने जिल्हाधिकाऱ्यांनी त्यांचे सदस्यत्व रद्द करत कारवाईचा दणका दिला आहे. दरम्यान कारवाई झालेले सरपंच हे या निर्णयाविरोधात हायकोर्टात धाव घेण्याच्या तयारीत आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.