Manoj Jarange Mumbai Morcha : वाट पाहत असलेल्या कुटुंबाला भेटून जरांगे भावूक, मुलगीही गळ्यात पडून रडली

Manoj Jarange Patil March to Mumbai :

दिलीप दखणे -

मराठा आरक्षणासाठी आरपारची लढाई करीत मनोज जरांगे-पाटील हजारो, लाखोंच्या मराठा समाजासह आज अंतरवाली येथून मुंबईकडे रवाना झाले. अंतरवाली ते गेवराईदरम्यान शहागड येथे Manoj Jarange-Patil यांची मुलगी, मुलगा आणि पत्नी वाट पाहत उभे होते. शहागडहूून पुढे निघताना जरांगे यांनी कुटुंबाची भेट घेतली.

यावेळी त्यांच्या डोळ्यात अश्रू तरळले, तर मुलीने आपल्या लाडक्या पप्पांच्या गळ्यात पडत त्यांच्या या लढ्याला आमची खंबीर साथ असल्याचे दाखवून दिले. (Maratha Reservation) मुलगाही भावूक झाला, परंतु त्याने वडिलांना धीरोदात्तपणे साथ देत सरकारला इशाराही दिला. वडीगोद्री शहागड रोडवर मनोज जरांगे व त्यांच्या कुटुंबातील सदस्यांची भेट झाली.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

पत्नी सुमित्रा जरांगे, मुलगा शिवराज, मुलगी पल्लवी जरांगे यांची भेट झाली. वडिलांच्या जीविताला काही झालं तर सरकारला सोडणार नाही, असा इशाराही मुलगी पल्लवी हिने यावेळी दिला. (Maratha Reservation Mumbai Protest) सात महिन्यांत मुंबईला जात असताना कुटुंबातील सदस्यांशी जरांगे यांची आज भेट झाली. हा भावनिक प्रसंग पाहून उपस्थितांचे डोळेही पाणावले होते.

edited by sachin fulpagare

R...