Manoj Jarange Patil : खासदार बजरंग सोनवणेंनी पुन्हा घेतली मनोज जरांगेंची भेट, 'सर्व खासदारांना एकत्र करणार...'

Maratha Reservation : मराठा समाजाला ओबीसीतून आरक्षण मिळावे, सगेसोयऱ्यांची अंमलबजावणी सरकारने करावी या मागण्यांसाठी मनोज जरांगे-पाटील उपोषणाला बसले आहेत. आज (गुरुवार) त्यांच्या उपोषणााच सहावा दिवस आहे. पाटील यांच्या उपोषणाला पाठींबा देण्यासाठी नवनिर्वाचित खासदार, नेते त्यांची भेट घेत आहे.

बीडचे नननिर्वाचित खासदार बजरंग सोनवणे यांनी बुधवारी मध्यरात्री दुसऱ्यांदा मनोज जरांगे यांची भेट घेतली. निवडणुकीच्या निकाला जाहीर झाल्यानंतर सोनवणे यांनी जरांगे पहिल्यांदा भेट घेतली होती.

मनोज जरांगे Manoj jarange यांच्या मागणीसाठी महाराष्ट्रातील सगळ्या खासदारांना एकत्र करून राज्यपालांना भेटणार असल्याच देखील बजरंग सोनवणे यांनी 'साम' टीव्हीशी बोलताना सांगितले. मराठा समाजाच्या ओबीसीतून आरक्षणाच्या मागणीवर मनोज जरांगे पाटील ठाम आहेत. बुधवारी (ता.12) त्यांनी थेट मुख्यमंत्र्‍यांच्या ओसडीवर आरोप करत सरकारला इशारा दिला होत.

दरम्यान, परभणीचे खासदार संजय जाधव यांनी थेट जरांगे पाटील यांच्या आंदोलनाला पाठींबा देत मराठा आरक्षणासाठी राज्यपालांना पत्र लिहिले. धाराशिवचे खासदार ओमराज निंबाळकर Omraje Nimbalkar यांनी देखील मनोज जरांगे पाटील यांची भेट घेतली. मनोज जरांगे-पाटील यांनी हा लढा लढताना स्वतःच्या प्रकृतीचीही काळजी घ्यावी, असे आवाहन त्यांनी केले.