Nawab Malik News : अजित पवारांचा नवाब मलिकांना 'स्वागता'साठी फोन...

Nawab Malik News : राज्याचे उपमुख्यमंत्री अजित पवार यांनी नवाब मलिक यांना फोन केल्याच्या चर्चा विधिमंडळात रंगल्या होत्या. अजित पवारांनी नवाब मलिकांना फोन केल्यासंदर्भात नवाब मलिक हे स्वत:चा निर्णय घेण्यास खंबीर आहेत, अशी प्रतिक्रिया अजित पवार यांनी दिली आहे.

नवाब मलिकांना Nawab Malik तुम्ही फोन केला होता का? आणि ते आता कुठल्या गटाबरोबर बसणार? या प्रश्नावर अजित पवार Ajit Pawar म्हणाले, ” तुम्हाला काय करायचे आहे? नवाब मलिक आमदार आहेत. ते स्वत:चा निर्णय घेण्यास खंबीर आहेत. आतमध्ये कोणी कुठे बसायचे हा संपूर्ण अधिकार हा विधानसभा अध्यक्षांचा आहे.

मधल्या काळात ज्या काही घटना घडल्या, त्या तुम्हाला माहिती आहेत. मी त्यांना नागपूरमध्ये त्यांचे स्वागत आहे म्हणून फोन केला होता.” विधानसभेत आल्यानंतर नवाब मलिक नेमके कोणत्या बाकावर बसतात, याबद्दल दोन्ही गटांमध्ये कमालीची उत्सुकता होती. ते कुठल्या बाकावर बसणार, याबाबतच्या चर्चांना पूर्णविराम मिळाला आहे. राष्ट्रवादीतील दोन्हीही गट नवाब मलिक आपल्या गटात बसावेत, यासाठी प्रयत्नशील होते.

मात्र, मलिकांनी अजित पवार गटात जाणे पसंत केले आहे. देवेंद्र फडणवीसांनी मलिकांना देशद्रोही ठरवलं होते. तेच मलिक आता सत्ताधाऱ्यांच्या बाकावर बसले आहेत, यावरून ठाकरे गटाचे नेते अंबादास दानवे यांनी फडणवीसांना धारेवर धरले. विधिमंडळात जाण्याआधी नवाब मलिक हे अजित पवारांना भेटले, तर त्याआधी त्यांनी शरद पवार यांचीही भेट घेतल्याचे समजते.

Edited By : Amol Sutar