Property Tax Notice : महापालिकेची घरपट्टीसाठी 'म्हसोबा'ला नोटीस, देवाचे पैसे कोण भरणार?

Property Tax Notice News : मार्च एन्ड जवळ येत असल्याने स्थानिक स्वराज संस्थाकडून कर वसुलीची सुरुवात करण्यात आली आहे. ठरवलेले टार्गेट पूर्ण करण्याची प्रशासनाची धडपड सुरू आहे. मात्र, या धडपडीत चक्क एका मंदिरालाच महापालिकेने नोटीस बजावल्याचे समोर आले आहे.सांगली महापालिकेकडून म्हसोबा मंदिराला घरपट्टीची नोटीस देण्यात आली आहे.

सांगली शहरातील एका म्हसोबा मंदिराला घरपट्टीची नोटीस पाठवली आहे. या नोटीसमध्ये 1 हजार 62 रुपयांची घरपट्टी भरण्याचे सांगण्यात आले आहे. वाढीव घरपट्टीसाठी सांगली महापालिकेमार्फत नुकताच एक सर्वे करण्यात आला. त्यानुसार शहरातल्या मालमत्तांना वाढीव घरपट्टीची नोटीस बजावली जातीय. मात्र, म्हसोबा मंदिर हे कोणाच्याच नावे नसल्याची माहिती आहे. पालिकेकडून घरपट्टीची नोटीस मंदिराच्या गाभाऱ्यात ठेवण्यात आली. तसेच मालमत्ताधारक म्हणून 'धारक' असे नाव टाकण्यात आले आहे.

महापालिकेने नोटीस बजावलेले म्हसोबा मंदिर हे कोणत्याही ट्रस्ट अथवा संस्थेच्या अखत्यारीत नाही. येथे लोक येऊन पूजा करून जात असतात तसेच दर्शनासाठी येत असतात. त्यामुळे महापालिकेने कराची जी नोटीस दिली आहे. तो कर कोण भरणार असा प्रश्न उपस्थित झालाय.विशेष म्हणजे पालिकेने मंदिराला दिलेल्या या नोटीशीबाबत आश्चर्य व्यक्त करण्यात येत आहे.

सांगली महापालिकेकडून नुकताच वाढीव घरपट्टीसाठी ड्रोनद्वारे सर्व्हे करण्यात आला आरोप होतो आहे. ज्या सर्व्हेमध्ये नोंदणीकृत नसलेल्या 29 हजार मालमत्तांना नोटीस बजावण्यात आलीये तसेच वाढीव घरपट्टी मान्य नसलेल्यांना तक्रार नोंदवण्याचे आवाहन करण्यात आले आहे.

पालिका काय कारवाई करणार?

म्हसोबा मंदिराचे कोणत्याही ट्रस्ट अथवा संस्थेच्या अखारित्या नाही. त्यामुळे महापालिका कोणाकडून कर वसूल करणार तसेच कर भरला नाही म्हणून म्हसोबा मंदिराची मालमत्ता पालिका जप्त करण्याची कारवाई करणार का? याची उत्सुकता नागरिकांमध्ये आहे.