New Delhi News : सुप्रीम कोर्टाचे न्यायमूर्ती अभय ओक शुक्रवारी वकिलांवर चांगलेच भडकल्याचे पाहायला मिळाले. एका सुनावणीदरम्यान काही वकिलांनी एकाचवेळी आपला बोलण्यास सुरूवात केली. त्यामुळे कोर्टात गोंधळाची स्थिती निर्माण झाली. त्यामुळे न्यायमूर्ती ओक यांचा पारा चढला. त्यांनी वकिलांना एका-एकाने बोलण्यास सांगितले. पण त्यानंतरही वकिलांचा गोंधळ सुरू राहिल्याने न्यायमूर्ती ओक संतापले.
सुप्रीम कोर्टाचे कामकाज सुरू असताना वकिलांचा हा गोंधळ पाहून न्यायमूर्ती ओक म्हणाले, अशाप्रकारची बेशिस्त पाहून आम्ही त्रासलो आहोत. कोर्टातच रोजच बेशिस्त पाहायला मिळत आहे. आम्ही वकिलांना विचारतो की, कुणाची बाजू मांडणार आहोत. पण वकील काही उत्तर देतच नाहीत, अशी नाराजी त्यांनी व्यक्त केली. बार अँड बेंचने हे वृत्त दिले आहे.
संतापलेले न्यायमूर्ती ओक म्हणाले, ‘कोर्टात अशीच स्थिती राहिली तर मी सगळ्या फाईली फेकून देईल. एकाचवेळी वकील बोलू लागले तर त्यांच्या फायली फेकून द्याव्यात, असा नियम कोर्टात करायला हवा. अशी बेशिस्त फक्त सुप्रीम कोर्टात पाहायला मिळते. मी कर्नाटक आणि मुंबई हायकोर्टातही होतो. पण तिथे असे कधी पाहायला मिळाले नाही,’ असे न्यायमूर्ती म्हणाले.
सुप्रीम कोर्टातील न्यायमूर्तींना पहिल्यांदाच असा संताप अनावर झालेला नाही. यापूर्वीही न्यायमूर्ती ओक वकिलांवर भडकले आहेत. वकिलांकडून चुकीचा युक्तीवाद केल्यामुळे न्यायमुर्तींनी उघडपणे आपली नाराजी व्यक्त केली होती. सप्टेंबर 2024 मध्ये न्यायमूर्ती ओक आणि न्यायमूर्ती ऑगस्टीन जॉर्ड मसीह यांच्या खंडपीठासमोर अशी अनेक प्रकरणे आली होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.