Maharashtra political earthquake : महाराष्ट्राचं राजकारण हादरवणाऱ्या राजकीय भूकंपाचा 2 डिसेंबरपूर्वीच फलटणमध्ये 'ट्रेलर'; शरद पवारांचा विश्वासू नेता अन् एकनाथ शिंदे एकाच स्टेजवर

Political Earthquake In Maharashtra: नगरपरिषद निवडणुकीच्या निमित्ताने आरोप-प्रत्यारोपाने राज्यातील वातावरण चांगलेच ढवळून निघाले आहे. या निवडणूक प्रचारावेळी भाजपचे प्रदेशाध्यक्ष रवींद्र चव्हाण आणि राष्ट्रवादी शरद पवार गटाचे प्रदेशाध्यक्ष शशिकांत शिंदे यांनी केलेल्या खळबळजनक व्यक्तव्याने राज्यात 2 डिसेंबरनंतर राजकीय भूकंप होणार असल्याच्या चर्चां जोरात सुरु झाल्या आहेत. नगरपालिका निवडणुका झाल्यानंतर राज्याच्या राजकारणात काय घडामोडी होणार याबाबत उत्सुकता ताणली गेली असतानाच आता फलटण नगरपालिकेच्या निवडणुकीत मोठा राजकीय ट्विस्ट पाहायला मिळाला. शरदचंद्र पवार राष्ट्रवादी काँग्रेस पक्षाचे ज्येष्ठ नेते एकनाथ शिंदे यांच्या शिवसेनेच्या स्टेजवर दिसल्याने आश्चर्य व्यक्त केले जात आहे.

राज्याच्या राजकारणात मोठा भूकंप होणार असल्याची चर्चा रंगली आहे. त्यामुळे 2 डिसेंबरनंतर आता कोणता नवीन राजकीय सिनेमा महाराष्ट्राला पाहायला मिळतो, याची उत्सुकता आता सर्वांना लागली आहे. त्यातच आता ऐन निवडणूक काळातच फलटण नगरपालिकेच्या निवडणुकीत राजकीय ट्विस्ट पाहायला मिळाला. शरदचंद्र पवार राष्ट्रवादी काँग्रेस पक्षाचे आमदार रामराजे नाईक-निंबाळकर हे थेट एकनाथ शिंदे यांच्या शिवसेनेच्या व्यासपीठावर दिसल्याने राज्याच्या राजकारणात खळबळ उडाली आहे.

स्थानिक स्वराज्य संस्थांच्या निवडणुकांच्या प्रचारामुळे राज्यातील वातावरण चांगलेच तापले आहे. भाजपचे प्रदेशाध्यक्ष रवींद्र चव्हाण आणि राष्ट्रवादी काँग्रेस (NCP) शरद पवार पक्षाचे प्रदेशाध्यक्ष शशिकांत शिंदे यांनी केलेल्या खळबळजनक व्यक्तव्याने राज्यात 2 डिसेंबरनंतर राजकीय भूकंप होणार असल्याच्या चर्चा सध्या एकीकडे जोरात सुरु आहेत. त्याचा पहिला ट्रेलर शुक्रवारी फलटणमध्ये दिसला.

फलटण नगरपालिकेच्या प्रचाराच्या निमित्ताने राष्ट्रवादी काँग्रेस शरद पवार (Sharad Pawar) पक्षाचे आमदार रामराजे नाईक-निंबाळकर हे थेट शिंदे सेनेच्या व्यासपीठावर दाखल झाले. नगराध्यक्षपदासाठी त्यांचा मुलगा अनिकेत राजे नाईक-निंबाळकर यांना शिंदे यांच्या शिवसेनेने उमेदवारी दिली आहे. त्याच्या प्रचारार्थ आयोजित सभेसाठी उपमुख्यमंत्री एकनाथ शिंदे फलटणमध्ये दाखल झाले होते. या सभेत रामराजेंची उपस्थिती दिसताच राजकीय वर्तुळात एकच खळबळ उडाली.

त्यामुळे येत्या काळात काय होणार याची उत्सुकता शिगेला पोहचली आहे. विशेष म्हणजे दोन दिवसापूर्वीच रवींद्र चव्हाण आणि शशिकांत शिंदे यांनी राज्याच्या राजकारणात 2 डिसेंबरनंतर राजकीय भूकंप होणार असल्याचे भाकीत केले होते. त्यानंतर हे बदल दिसत असल्याने राज्यातील वातावरण चांगलेच तापले आहे.