Mumbai News : ऑपरेशन टायगरवरून दोन्ही शिवसेनेत आरोप-प्रत्यारोप होत असल्याने उद्धव ठाकरे यांनी शिवसेना खासदारांची रविवारी दुपारी मातोश्री निवासस्थानी तातडीची बैठक बोलावली होती. या बैठकीसाठी येत असताना विक्रोळी महामार्गावर खासदार संजय दीना पाटील यांच्या कारचा अपघात झाल्याचे समोर आले आहे. खासदार पाटील त्यांच्या ताफ्यातील गाड्या एकमेकांवर आदळल्याने हा अपघात झाला. या अपघातात कारचे मोठे नुकसान झाले आहे.
रविवारी दुपारी मातोश्री निवासस्थानी उद्धव ठाकरे (Uddhav Thackeray) यांच्या पक्षाच्या सर्व खासदारांची महत्त्वाची बैठक बोलवण्यात आली होती. या बैठकीला माजी मुख्यमंत्री उद्धव ठाकरे मार्गदर्शन करणार होते. रविवारी दुपारी या बैठकीला येत असताना विक्रोळी महामार्गावर खासदार संजय दीना पाटील यांच्या कारचा अपघात झाला. त्यांच्याच ताफ्यातील गाड्या एकमेकांवर आदळल्याने हा अपघात झाला. या अपघातात कोणतीही हानी झाली नाही. एका गाडीचे मोठे नुकसान झाले आहे.
उद्धव ठाकरे यांनी बोलावलेल्या या बैठकीला येत असतानाच खासदार पाटील यांच्या गाडीला विक्रोळी हायवेवर अपघात झाला. यामध्ये ताफ्यातील काही गाड्यांचे किरकोळ नुकसान झाले आहे. या अपघातानंतर संजय दीना पाटील (Sanjay Patil) यांनी ठाकरेंच्या बैठकीला हजेरी लावली.
दरम्यान, उद्धव ठाकरे यांनी बोलावलेल्या या बैठकीला ठाकरे यांच्या शिवसेनेचे 9 पैकी 9 खासदार उपस्थित होते. 9 पैकी 4 खासदार या बैठकीला प्रत्यक्ष उपस्थित होते. तर 5 खासदार हे या बैठकीला प्रत्यक्ष उपस्थित राहू शकले नाहीत, त्यांनी ऑनलाईन हजेरी लावली.
अरविंद सावंत, अनिल देसाई, संजय दिना पाटील, राजाभाऊ वाझे हे खासदार या बैठकीला प्रत्यक्ष उपस्थित होते. तर दुसरीकडे ओमराजे निंबाळकर, भाऊसाहेब वाघचौरे, नागेश पाटील आष्टीकर, संजय देशमुख आणि संजय जाधव हे सर्व खासदार या बैठकीसाठी ऑनलाईन उपस्थित होते, अशी माहिती खासदार राऊत यांनी या बैठकींनंतर दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.