Drugs Mafia Lalit Patil : ‘ललित पाटीलचे हप्ते मालेगावला पोहोचत होते..!’ संजय राऊत यांचा आरोप..

Drugs Mafia Lalit Patil : ललित पाटीलकडून मालेगाव येथून घराघरांत कसे हप्ते पोहोचत होते, त्या व्यवहारात तुमची मुलबाळं कशी सहभागी होती, याची माहिती आम्ही आता पोलिसांना देऊ. यात 'छोटी भाभी, बडी भाभी' सर्वकाही येईल, असा आरोप संजय राऊत यांनी भाजपवर केला आहे. तसेच शिवसेना सुधाकर बडगुजर यांच्या पाठीशी ठाम आहे. आमच्यावर दगड फेकाल तर तुमची देखील डोकी फुटतील, असा दिला इशारा यावेळी राऊत यांनी दिला.

शिवसेना (Shivsena) ठाकरे गटाचे खासदार संजय राऊत (Sanjay Raut) सध्या नाशिक (Nashik) दौऱ्यावर आहेत. यावेळी ते माध्यमांशी बोलत होते. ते म्हणाले, वॉशिंग मशीनवाल्या भाजपला आमचा इशारा आहे. राजकारणात कोणत्या थराला जायचे याचे काही संकेत आहेत. तुम्ही जे करताय, तो न्याय लावला तर सबंध भाजप रिकामा करावा लागेल.

भारतीय जनता पक्षाने (BJP) ठरवलेलं आहे, ‘स्वतःचं ठेवायचं झाकून अन् दुसऱ्याचे बघायचे वाकून’. सुधाकर बडगुजर (Sudhakar Badgujar) हे अनेक वर्षांपासून नाशिकच्या राजकारणात कार्यरत आहेत. बडगुजर यांचे नाव ज्यांच्या बरोबर जोडले गेले आहे, तो एक अपघात आहे. असंच असेल तर देशातला अख्खा भारतीय जनता पक्ष रिकामा करावा लागेल, असे राऊत यांनी सांगितले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

सुधाकर बडगुजर यांची चौकशी सुरू आहे. त्याला हरकत नाही, ते देखील चौकशीला सामोरे जात आहे. आम्ही तुम्हाला काही नावे देऊ त्यांचीही चौकशी करा. ललित पाटीलकडून मालेगाव येथून घराघरांत कसे हप्ते पोहोचत होते, त्या व्यवहारात तुमची मूलबाळं कशी सहभागी होती, याची माहिती आम्ही आता पोलिसांना देऊ. यात छोटी भाभी, बडी भाभी सर्वकाही येईल.

कारण नसताना आमच्या अंगावर दगड मारण्याचा प्रयत्न कराल, त्या वेळेस तुमचीदेखील डोकी फुटतील. राजकारण- समाजकारणामध्ये काही पथ्य पाळायचे असतात, आम्ही ती पाळतो, असा इशारा राऊत यांनी सरकारला दिला.

(Edited by Amol Sutar)