राज्याचे महसूलमंत्री चंद्रशेखर बावनकुळे यांनी अनिल देशमुख यांच्यावर झालेला हल्ला हा राजकीय बनाव असल्याचा आरोप केला.
त्यांनी हा प्रकार सहानुभूती मिळवण्यासाठी केलेला राजकीय स्टंट असल्याचे स्पष्ट केले.
या विधानामुळे महाराष्ट्राच्या राजकारणात खळबळ उडाली असून विरोधक-समर्थकांमध्ये वाद वाढला आहे.
Nagpur News : विधानसभेच्या निवडणुकीत राज्याचे माजी गृहमंत्री अनिल देशमुख यांच्यावर झालेल्या हल्ल्याच्या प्रकरणाने पुन्हा उचल खालली आहे. पोलिसांनी हा हल्ला बनाव असल्याचा अहवाल कोर्टात सादर केला आहे. त्यावर देशमुख यांनी सुरुवातीपासूनच भाजपचे नेते यास राजकीय रंग असल्याचा सांगून आपण फॅरेंसिक अहवाल बघितला असल्याचा दावा केला आहे. आता राज्याचे महसूलमंत्री आणि नागपूर जिल्ह्याचे पालकमंत्री चंद्रशेखर बावनकुळे यांनी देशमुखांचा राजकीय स्टंट असल्याची प्रतिक्रिया दिली आहे. या प्रतिक्रियेमुळे पुन्हा एकदा या वादाला फोडणी घातली आहे.
विधानसभेच्या निवडणुकीदरम्यान काटोल-नरखेड विधानसभा मतदारसंघाचे राष्ट्रवादी काँग्रेसचे उमेदवार सलील देशमुख यांच्या प्रचारातून येत असताना अनिल देशमुख यांच्या गाडीवर अचानक दगडफेक करण्यात आली होती. यात एक दगड काच फोडून समोरच्या सिटवर बसलेल्या अनिल देशमुख यांच्या डोक्यावर आदळला होता. त्यामुळे त्यांच्या डोक्याला जखम झाली होती. देशमुखांवर स्थानिक प्राथमिक आरोग्य केंद्रात उपचार करण्यात आला होता. त्यानंतर त्यांना नागपूरच्या एका खासगी इस्पितळात दाखल करण्यात आले होते.
देशमुख यांच्या सांगण्यानुसार, दोघांनी आपल्या गाडीवर दगडफेक केली होती. त्यातील 10 किलोचा एक दगड काच फोडून आत शिरला. त्यामुळे आपण जखमी झालो. त्यावेळी मुख्यमंत्री देवेंद्र फडणवीस यांनी सलीम-जावेदची स्टोरी असे म्हणून देशमुखांवर झालेला हल्ला बनावट होता असे सूचित केले होते.
निवडणूक आटोपल्यानंतर या घटनेचा सर्वांनाच विसर पडला होता. मात्र नागपूर ग्रामीण पोलिसांनी हा हल्ला नसून बनाव असल्याचा अहवाल कोर्टात सादर केल्याने पुन्हा या प्रकरणावर चर्चा सुरू झाली आहे. देशमुख यांनी आपल्यावर हल्ला करणाऱ्या एकाही इसमाला अटक केलेली नाही, हे पोलिसांचे अपयश असल्याचे सांगितले.
फॅरेसिंक अहवाल यायची वाट न बघताच कोर्टाला माहिती देण्यात आली. यावरून त्यांच्यावर राजकीय दबाव असल्याचे दिसून येत असल्याचा आरोपही देशमुख यांनी केला आहे. गृह खात्यात आपल्याही परिचयाचे लोक आहेत. फॅरेंसिक अहवाल आपण बघितला असल्याचा दावा करताना योग्यवेळी कारवाई करणार असल्याचे त्यांनी सांगितले.
मात्र चंद्रशेखर बावनकुळे यांनी पुन्हा एकदा अनिल देशमुखांचा स्टंट अशी प्रतिक्रिया व्यक्त केल्याने आता या विषयावरून राजकीय आरोप-प्रत्यारोपांच्या फैरी झडणार असल्याचे दिसून येते. बावनकुळे म्हणाले, निवडणुकीच्या काळास सहानुभूती मिळवण्यासाठी हल्ल्याचा बनाव अनिल देशमुख यांनी रचला होता. हे पोलिसांच्या प्राथमिक चौकशीत स्पष्ट झाले आहे. दहा किलो वजनाचा दगड खरोखरच लागला असता तर परिस्थिती वेगळी असती. त्यांना किरकोळ जखम झाल्याने हा प्रकार एक केविलवाणा स्टंट होता असेच म्हणावे लागले. फॉरेंसिक अहवाल आल्यानंतर सर्वकाही स्पष्ट होणारच आहे असेही बावनकुळे म्हणाले.
प्र.१: अनिल देशमुख यांच्यावर हल्ला कोणी केला होता?
उ: हल्ल्याच्या घटनेवर अद्याप तपास सुरू आहे, मात्र बावनकुळेंनी तो बनाव असल्याचा आरोप केला.
प्र.२: चंद्रशेखर बावनकुळे यांनी काय विधान केले?
उ: त्यांनी हा हल्ला राजकीय स्टंट असल्याचे म्हटले.
प्र.३: अनिल देशमुख कोण आहेत?
उ: ते राज्याचे माजी गृहमंत्री आणि ज्येष्ठ राजकीय नेते आहेत.
प्र.४: या प्रकरणामुळे काय प्रतिक्रिया उमटल्या?
उ: विरोधकांनी बावनकुळेंच्या वक्तव्याचा निषेध केला, तर काहींनी तपासाची मागणी केली.
प्र.५: या विधानाचा महाराष्ट्राच्या राजकारणावर काय परिणाम होऊ शकतो?
उ: या विधानामुळे राजकीय वातावरण अधिक तापू शकते आणि सत्ताधारी-विरोधकांमध्ये संघर्ष वाढण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.