Nagpur Session 2023 : उद्धव ठाकरेंना आता जनता 'धुणार'; मुख्यमंत्री शिंदे यांची टीका

Nagpur Winter Session : माजी मुख्यमंत्री उद्धव ठाकरे हे सोमवारी अधिवेशनाला उपस्थित राहणार आहेत. यातच मुख्यमंत्री एकनाथ शिंदेंनी ठाकरेंवर 'हाथ की सफाई' केल्याचा आरोप करत टायमिंग साधले आहे. या आरोपाचे पडसाद अधिवेशनात उमटणार, असे दिसत आहे.

मुख्यमंत्री शिंदेंनी 'बीच क्लिन ड्राईव्ह' ही माझी संकल्पना असून, ती मुंबईसाठी आवश्यक आहे. एकाचवेळी मुंबई प्रभागातील चार ते पाच हजार लोकांना एकत्रित करत त्या प्रभागातील सर्व सार्वजनिक ठिकाणांची सफाई करायची, अशी ही संकल्पना आहे.' या 'बीच क्लिन ड्राईव्ह'वर माजी मुख्यमंत्री उद्धव ठाकरे यांनी टीका केली होती. यावर मुख्यमंत्री शिंदेंनी यांनी सडेतोड उत्तर देत अर्धवट माहिती घेऊन उद्धव ठाकरे बोलत आहे, असे म्हटले आहे.

मुख्यमंत्री शिंदे म्हणाले, "आम्ही सफाई करतो आहे. रस्त्यांची सफाई करतोय. बीचची सफाई करतोय. त्यांनी तर 'हाथ की सफाई' केली. नाल्यामध्ये केली. तिजोरीची सफाई केली. रस्ते धूत आहोत, तर त्यांना ते देखील आवडत नाही. त्यांनी तिजोरी धुतली. आम्ही रस्ते धुतोय. येणाऱ्या निवडणुकीत जनता त्यांना धुतल्याशिवाय राहणार नाही".

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

एकाच दिवशी प्रभागातील सर्व सार्वजनिक ठिकाणांची स्वच्छता कराची, अशी ही मोहीम आहे. चौपाटी देखील गेलो होतो. तेथे स्वच्छता मोहीम राबवली. त्यांनी माहिती घेऊन बोलालया पाहिजे होते. त्यांनी अर्धवट माहिती घेतली आहे, असेही मुख्यमंत्री शिंदे ठाकेंवर टीका करताना म्हणाले. यामुळे अधिवेशनात ठाकरे विरुद्ध शिंदे गटातील वाद पुन्हा उफाळून येण्याची शक्यता आहे.

कांदा प्रश्नी केंद्रातून लवकरच निर्णय

विरोधकांनी अधिवेशनाच्या आजच्या कामकाजाच्या सुरूवातीलाच कांदा निर्यात बंदीवरून जोरदार घोषणाबाजी केली. यातच कांदा निर्यातीवर बंदी घातल्याच्या मुद्यावर केंद्रीय मंत्री पीयूष गोयल यांच्याशी बोललो आहे. मंत्री गोयल यांनी सकारात्मक निर्णय घेणार असल्याचे आश्वासन दिल्याची माहिती मुख्यमंत्री एकनाथ शिंदे यांनी दिली.

(Edited by Sunil Dhumal)