Maratha reservation : मराठा उपसमितीच्या बैठकीनंतर विखे पाटील यांचे मोठे विधान, म्हणाले, 'मराठा समाजाला आरक्षण मिळाले.... "

Mumbai News : मराठा आरक्षणाच्या मागणीसाठी मराठा समाज आक्रमक झाला आहे. त्यासाठी मराठा आंदोलक मनोज जरांगे यांनी आझाद मैदानावर शुक्रवारपासून आंदोलन सुरु केले आहे. शनिवारी दुपारी मराठा उपसमितीची बैठक पार पडली. या बैठकीनंतर मंत्री राधाकृष्ण विखे पाटील यांनी मोठे विधान केले आहे. मराठा समाजाला आरक्षण मिळाले पाहिजे, अशी राज्य सरकारची सकरात्मक भूमिका असल्याचे त्यांनी स्पष्ट केले.

या बैठकीला मराठा उपसमितीचे सर्व सदस्य उपस्थित होते. यावेळी बैठकीत मराठा आरक्षणाबाबत सविस्तर चर्चा झाली. मराठा समाजाला आरक्षण मिळाले पाहिजे, अशीच राज्य सरकारची भूमिका आहे. त्यासाठी राज्य सरकार सकारत्मक आहे. त्यासोबतच मराठा आंदोलक मनोज जरांगे यांच्याशी चर्चा करण्याची राज्य सरकारची तयारी असल्याचे विखे पाटील यांनी संगितले.

त्यासोबतच मंत्री विखे पाटील यांनी प्रसार माध्यमांशी संवाद साधताना विविध प्रश्नाला त्यांनी उत्तरे दिली. चंद्रकांत पाटील, आशिष शेलार, उदय सामंत यांच्यासह सर्वच सदस्य या बैठकीला उपस्थित होते. या बैठकीमध्ये सविस्तर चर्चा झाली. अतिशय सकारात्मक भूमिका आमच्या सर्वांची आहे. या प्रश्नाची सोडवणूक झाली पाहिजे, हीच सरकारची देखील भूमिका असल्याचे त्यांनी स्पष्ट केले.

मराठा आरक्षणाच्या सर्व गोष्टींवर चर्चा करण्यासाठी न्यायमूर्ती शिंदे साहेब, कोकणाचे विभागीय आयुक्त आणि आमच्या विभागाचे सचिव त्यांच्यासोबत चर्चा करण्यासाठी जाणार आहेत, आणि चर्चा झाल्यानंतर आणखी काही मुद्दे उपस्थित झाल्यास त्यावर पुन्हा चर्चा करू असं विखे पाटील यांनी म्हटले आहे.

मुंबईत सुरू असलेल्या मराठा आरक्षण आंदोलनाच्या पार्श्वभूमीवर राधाकृष्ण विखे पाटील यांच्या निवासस्थानी मराठा आरक्षण उपसमितीची महत्त्वाची बैठक पार पडली, या बैठकीला समितीचे सर्व सदस्य हजर होते. या बैठकीत अनेक विषयांवर चर्चा झाली. या बैठकीत नेमकं काय ठरलं? याबाबत विखे पाटील यांनी माहिती दिली आहे.