Uddhav Thackeray News : शिवसेना उद्धव बाळासाहेब ठाकरे पक्षाचे पक्षप्रमुख उद्धव ठाकरे यांच्या निवास्थानाबाहेर ड्रोन घिरट्या घालत असल्याचा व्हिडिओ समोर आला आहे. मुंबईत ड्रोन उड्डानाला बंदी असताना ठाकरेंच्या निवासस्थानबाहेर ड्रोन दिसल्याने त्यांच्यावर पाळत ठेवण्यात येत असल्याचा आरोप करण्यात येत आहे. याविषयी अंबादास दानवे यांनी मातोश्रीवर कोणी टेहळणी तर करत नाही ना? असा प्रश्न विचारला.
शिवसेनेच्या उपनेत्या सुषमा अंधारे यांनी हा उद्धव ठाकरेंवर पाळत ठेवण्याचा प्रयत्न असल्याचा संशय देखील व्यक्त केला होता. मात्र, मुंबई पोलिसांनी या विषयी खुलासा केला आहे. मुंबई पोलिसांनी दिलेल्या प्राथमिक माहितीनुसार, एमएमआरडीने विशेष परवानगी घेऊन हा ड्रोन उठवला आहे. ज्या परिसरात हा ड्रोन उठवण्यात आला तेथे सर्व्हे करण्यात येत आहे.
दरम्यान, ड्रोन मातोश्रीबाहेर उडत असल्याचा व्हिडिओ अंबादास दानवे यांनी शेअर करत म्हटले की, 'ड्रोन धोरणात मुंबई रेड झोनमध्ये समाविष्ट आहे. मग सध्या 'मातोश्री' निवस्थानाबाहेर मात्र असे ड्रोन सर्रास दिसायला लागले आहेत. हाय सेक्युरिटी झोन असलेल्या 'मातोश्री'च्या परिसरात असे ड्रोन दिसणे ही सुरक्षेच्या दृष्टीने गंभीर बाब आहे. मातोश्रीवर कोणी टेहळणी तर करत नाहीये?'
मातोश्रीबाहेर ड्रोनच्या घिरट्यानंतर भाजप नेत्यांनी हा उद्धव ठाकरेंचाच स्टंट असल्याचा आरोप केला होता. तर, ठाकरेंना स्टंट करण्याची गरज नाही. ती गरज भाजपला आहे तेच स्टंट करत आले असल्याचे प्रत्युत्तर शिवसेना उद्धव बाळासाहेब ठाकरे पक्षाच्या नेत्यांनी दिले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.