Nashik Loksaha : मुख्यमंत्री शिंदे, हेमंत गोडसेंचा एकाच कारने प्रवास; नाशिकचा तिढा सुटला?

Nashik Political News : महायुतीमधील नाशिकची जागा शिवसेनेची आहे. मात्र, ही जागा राष्ट्रवादीला (अजित पवार गट) सोडण्यात येणार असल्याची चर्चा आहे. नाशिकमधून छगन भुजबळ हे उमेदवार असावेत म्हणून दिल्लीतून सुचना करण्यात आल्या. मात्र, शिवसेना Shivsena (शिंदे गट) नाशिकवरील आपला दावा सोडण्यास तयार नाही. शिवसेनेचे विद्यमान खासदार हेमंत गोडसे यांना तिकीट पु्न्हा तिकीट देण्यास भाजपचा विरोध आहे. त्यामुळे नाशिकचा तिढा अजुनही सुटलेला नाही. आज (रविवारी) हेमंत गोडसे यांनी ठाण्यात मुख्यमंत्र्यांची भेट घेतली. मुख्यमंत्री हेमंत गोडसे आणि मुख्यमंत्री एकनाथ शिंदे यांनी ठाणे ते दादर असा एकाच गाडीतून प्रवास केला.

नाशिकच्या जागेविषयी मुख्यमंत्री शिंदे (Eknath shinde )आणि हेमंत गोडसे यांच्यात चर्चा झाल्याची माहिती आहे. दोघांमध्ये नेमकी काय चर्चा झाली हे समजले नसले तरी. ही चर्चा सकारात्मक झाली असून नाशिक शिवसेनेकडेच राहणार असल्याची सांगण्यात येत आहे. हेमंत गोडसे (Hemant godse) हे उमेदवारीसाठी आग्रही आहेत. मात्र, भाजपचा त्यांना होणार विरोध पाहता दुसऱ्या नावाची देखील चाचपणी एकनाथ शिंदेंकडून करण्यात येत आहे.

नाशिकची जागा राष्ट्रवादीला (अजित पवार गट) त्या बदल्यात त्यांची सातरची जागा भाजपला अशी चर्चा होती. मात्र, शिंदे गट नाशिकवरील आपला दावा सोडण्यास तयार नसल्याने सातरमधील जागेवर देखील तिढा निर्माण होण्याची शक्यता आहे. तर, नाशिकची उमेदवारी आपल्यालाच मिळेल असा विश्वास हेमंत गोडसे व्यक्त करत आहेत.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

ठाकरे गटाचे उमेदवार राजाभाऊ वाजे यांच्या प्रचारात जिल्हाप्रमुख सुधाकर बडगुजर यांनी हेमंत गोडसे यांच्या उमेदवारीला विरोध आहे तर छगन भुजबळ यांचा प्रचार गोडसे करणार नसल्याने त्यांच्या तिढा आहे. त्यामुळे शिंदे गटाला तिसरा उमेदवार शोधावा लागत असल्याची टीका केली.