Rashmi Shukla Extension : मोठी बातमी ! पोलिस महासंचालक रश्मी शुक्ला यांना दोन वर्षाची मुदतवाढ

Mumbai Police News: राज्याच्या पोलिस महासंचालक रश्मी शुक्ला यांना दोन वर्षाची मुदतवाढ मिळाली आहे. रश्मी शुक्ला या जूनमध्ये सेवानिवृत्त होणार होत्या. सध्या त्यांचा चार महिने कार्यकाळ शिल्लक आहे. मात्र, याआधीच रश्मी शुक्ला यांना दोन वर्षांचा कार्यकाळ वाढवून देण्यात आला आहे. रश्मी शुक्ला या आता जानेवारी 2026 पर्यंत राज्याच्या पोलिस महासंचालक पदावर राहणार आहेत.

रश्मी शुक्ला यांना दोन वर्षांचा कार्यकाळ वाढवून देण्याबाबत मुख्यमंत्री, आणि उपमुख्यमंत्री सकारात्मक होते. यानंतर अखेर त्यांना दोन वर्षाचा कार्यकाळ वाढवून देण्यात आला आहे. रश्मी शुक्ला या फोन टॅपिंग प्रकरणात चर्चेत आल्या होत्या. या प्रकरणात त्यांच्यावर गुन्हाही दाखल झाला होता. मात्र, पुढे न्यायालयाने त्यांना क्लिन चिट दिली होती.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

फोन टॅपिंग प्रकरणात विरोधी नेत्यांचे फोन बेकायदेशीर रेकॉर्ड केल्याचा गंभीर आरोप करण्यात आला होता. त्यावेळी राज्य गुप्तचर विभागाच्या प्रमुख रश्मी शुक्ला होत्या. यानंतर फोन टॅपिंग प्रकरण न्यायालयात गेलं. न्यायालयाने रश्मी शुक्ला यांना दिलासा दिला. यानंतर राज्याच्या पोलिस (Police) महासंचालक पदावर रश्मी शुक्ला यांची वर्णी लागली.

दरम्यान, रश्मी शुक्ला (Rashmi Shukla) या जून 2024 ला सेवानिवृत्त होणार होत्या. त्यांच्या सेवानिवृत्तीचा चार महिने कार्यकाळ शिल्लक असतानाच सरकारकडून त्यांना तब्बल दोन वर्षांचा कार्यकाळ वाढवून देण्यात आला आहे. आज याबाबतचा आदेश जारी करण्यात आला आहे. दरम्यान, मागील काही दिवसांपासून रश्मी शुक्ला यांना कार्यकाळ वाढवून देण्यात येणार असल्याची चर्चा होती. यावर विरोधकांनी राज्य सरकारवर जोरदार टीका करण्यात येत आहे.

(Edited By-Ganesh Thombare)