Uddhav Thackeray VS Eknath Shinde : खरी शिवसेना कोणाची? मुंबई महापालिकेच्या आखाड्यात होणार फैसाल; 64 जागांवर ठाकरे विरुद्ध शिंदे थेट लढत

BMC Election Update : मुंबई महापालिका निवडणुकीत ठाकरे बंधू एकत्र आले आहेत. त्यामुळे एकनाथ शिंदेंच्या विरुद्धात ठाकरे बंधूंची कामगिरी कशी राहणार याची चर्चा आहे. शिवसेनेत फूट पडल्यानंतर धनुष्यबाण चिन्ह आणि मूळ नाव एकनाथ शिंदे यांना मिळाले. मात्र, जेथे शिवसेनेचा जन्म झाला त्याच मुंबईत खरी शिवसेना कोणाची याचा फैसला होणार आहे.

शिवसेना उद्धव बाळासाहेब ठाकरे-मनसे विरुद्ध भाजप, एकनाथ शिंदेंची शिवसेना अशी लढत होणार आहे. या लढतीमध्ये उद्धव ठाकरेंची शिवसेना विरुद्ध शिंदेंची शिवसेना ही तब्बल 64 ठिकाणी एकमेकांच्या विरोधात उभे आहेत. तर, मनसेचे 17 उमेदवार शिंदेंच्या शिवसेनेच्या विरोधात लढत आहेत.

भाजप आणि ठाकरेंची शिवसेना यांच्यात 93 जागांवर थेट लढत होत आहे. तर, मनसे आणि भाजपमध्ये 33 ठिकाणी लढत होत आहे. मुंबई महापालिका निवडणुकीत सर्वाधिक जागा उद्धव ठाकरेंची शिवसेना आणि भाजप लढत आहेत.

महामुंबईत भाजप विरुद्ध मनसे

मुंबई महापालिकेसह विविध महापालिकांमध्ये भाजप विरुद्ध मनसे असा 101 जागांवर सामाना होतो आहे. तर, शिंदेंच्या शिवसेनेच्या विरोधात मनसे 83 जागांवर लढत आहेत. तर, मुंबईमध्ये वसई विरार वगळात सर्व महापालिकांमध्ये ठाकरे बंधूंची युती आहे. त्यामुळे ठाकरे बंधू भाजप समोर मोठे आव्हान उभे करण्याची शक्यता आहे.