Mns News : मनसेकडून तज्ज्ञ वकिलांशी सल्लामसलत, महापालिका निवडणुकीसंदर्भात कोर्टात जाण्याची तयारी ?

Pune News : गेल्या साडेतीन ते चार वर्षाहून अधिक काळ रखडलेल्या महापालिका निवडणुका आता लवकरच होणार आहेत. त्या संदर्भातील कारवाई ही प्रशासन करून करण्यात येत आहे. कोर्टाच्या आदेशानंतर आता प्रशासनाने प्रभाग रचना तयार केल्या असून ती प्रारूप प्रभाग रचना जाहीर करण्यात आली आहे. मात्र अशातच आता मनसेकडून महापालिका निवडणुकीसंदर्भात कोर्टाचे दरवाजे ठोकवण्याची शक्यता वर्तवली जात आहे.

स्थानिक स्वराज्य संस्थांच्या निवडणुकीच्या अनुषंगाने राज्यभरामध्ये प्रशासनाकडून प्रभाग रचना जाहीर करण्यात आली आहे. मात्र राज्यभरामधून या प्रभाग रचनेबाबत मोठ्या प्रमाणात आक्षेप नोंदवण्यात येत आहेत. प्रशासनाच्या माध्यमातून तयार करण्यात आलेल्या प्रभाग रचनेमध्ये मोठ्या प्रमाणात राजकीय हस्तक्षेप झाला असून भाजपला (BJP) फायदेशीर ठरेल अशी प्रभाग रचना तयार करण्यात आली असल्याचे आरोप विरोधी पक्षाकडून करण्यात येत आहेत.

विरोधकांबरोबर आता महायुतीतील मित्रपक्ष असलेल्या उपमुख्यमंत्री अजित पवार यांची राष्ट्रवादी आणि उपमुख्यमंत्री एकनाथ शिंदे यांची शिवसेना (Shivsena) देखील प्रभाग रचना हस्तक्षेप झाल्याचा आरोप केला आहे. ही प्रभाग रचना करताना मित्र पक्षांच्या नेत्यांना देखील विचारात घेण्यात आले नसल्याचा आरोप करण्यात येत आहे. त्यासोबतच मित्र पक्षातील नेत्यांची देखील प्रभाग आडवे तिडवे तोडले असल्याचा आरोप महायुतीतील मित्र पक्षांच्या नेत्यांनी केला आहे.

त्यामुळे प्रभाग रचनेवरून राज्यातील वातावरण तापलं असताना मनसे याबाबत कोर्टाचे दरवाजे ठोकवण्याचा विचारत असल्याचं बोललं जात आहे. मनसे प्रभाग रचनेच्या विरोधात जाणार सुप्रीम कोर्टात जाण्याची शक्यता आहे. तज्ज्ञ वकिलांकडून सल्ला घेवून याचिका दाखल केली जाणार आहेत. यासाठी मनसेच्या वरिष्ठ नेत्यांनी काही तज्ज्ञ वकिलांना देखील संपर्क साधला असल्याचं बोललं जात आहे.

ज्या पद्धतीने प्रभाग रचनेमध्ये राजकीय हस्तक्षेप झाल्याच्या आरोप होत आहेत. तसंच अनेक ठिकाणी नैसर्गिक हद्दीनचा विचार न करता आडवे तिडवे प्रभाग तोडण्यात आल्याचा आरोप करण्यात येत आहे.मोठ्या शहरात कसेही प्रभाग बनवण्यात आलेत असं मनसे कडून देखील आरोप करण्यात येत आहे त्यामुळे आता या विरोधात मनसे लवकरच कोर्टामध्ये याचिका दाखल करणार असल्याचे देखील सांगितलं जात आहे.

त्यामुळे रखडलेल्या महापालिका निवडणुकीपूर्वी आणखी काही ट्विस्ट आणि टर्न आगामी काळामध्ये पाहायला मिळू शकतात. त्यामुळे निवडणुका वेळात होणार की आणखी काही कायदेशीर प्रक्रियेमध्ये ही निवडणूक लांबीवर पडणार याकडे सर्वांचेच लक्ष असेल.