BJP Manifesto 2024: भारतीय जनता पक्षाने (BJP) लोकसभा निवडणूक 2024 च्या निवडणुकीसाठीचा जाहीरनामा पंतप्रधान नरेंद्र मोदी (Narendra Modi) यांच्या हस्ते प्रसिद्ध केला. यावेळी भाजप अध्यक्ष जे.पी नड्डा, केंद्रीय गृहमंत्री अमित शहा, परराष्ट्रमंत्री डॉ. एस. जयशंकर, केंद्रीय मंत्री अश्विनी वैष्णव यांच्यासह ज्येष्ठ नेते, पदाधिकारी हजर होते. हा जाहीरनामा प्रसिद्ध करताना पंतप्रधान नरेंद्र मोदी यांनी ७० वर्षावरील वृद्धांना आयुष्यमान योजनेचा लाभ मिळणार असल्याची घोषणा केली. (Ayushman Bharat Yojana)
यावेळी बोलताना पंतप्रधान मोदी (Narendra Modi) म्हणाले, भारतीय जनता पक्षाचा जाहीरनामा बनविणाऱ्या सर्वांचे आभार मानतो. संपूर्ण देशात भाजपच्या (BJP) जाहीरनामा (Manifesto) कधी जाहीर होणार याची उस्तुकता असते. कारण 10 वर्षात भाजपने दिलेल्या आश्वासनांची पुर्तता केली आहे, भाजपने जाहीरनाम्यातील सर्व गोष्टी सत्यात आणल्या आहेत. हा जाहीरनामा विकसित भारताच्या चार मजबूत स्तंभांना समर्पित आहे. यामध्ये, युवाशक्ती, महिलाशक्ती, गरीब आणि शेतकरी या सर्वांना सशक्त करण्याचा आमचा निर्धार असल्याचं मोदी म्हणाले.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
या कार्यक्रमात मोदींनी अनेक मोठ्या घोषणा केल्या. ते म्हणाले मोदींची गॅरंटी आहे की, जनेरिक औषधांच्या दुकानातील औषध खरेदीत 80 टक्के सवलत मिळणार. तसेच अनेक वयोवृद्धांना चिंता असते की, आजारपणात उपचारांसाठी लागणारा पैसा कुठून आणायचा, यासाठी आम्ही मोठा निर्णय घेतला आहे की, 70 वर्षांवरील प्रत्येक व्यक्ती आयुष्यमान भारत योजनेत आणण्यात येणार आहे. प्रत्येकाला 5 लाखांपर्यंतचे उपचार मोफत मिळणार आहे, अशी घोषणा मोदींनी जाहीरनामा प्रसिद्ध करताना केली.
संरक्षण मंत्री राजनाथ सिंह (Rajnath Singh) यांनी भाजपच्या जाहीरनामा प्रसिद्धी करताना भाजपच्या कामकाजाची माहिती दिली. भाजप जे बोलतो ते करतो, शिवाय भाजपचा जाहीरनामा तयार करताना खूप कष्ट घेतल्याचे तसेच मोठे संशोधन केलं असल्याचं ते म्हणाले. तसेच अनेक ठिकाणाहून नागरिकांच्या थेट प्रतिक्रिया, त्यांच्या सूचना, विचार, मतांना प्राधान्य देऊन भाजपने जाहीरनामा तयार केला आहे. मोदींची गॅरंटी ही 24 कॅरेट सोन्यासारखी खरी असल्याचंही राजनाथ सिंह यावेळी म्हणाले.
(Edited By Jagdish Patil)
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.