BJP News : कर्नाटक विधानसभेच्या निवडणुकीची रणधुमाळी सुरू झाली आहे. काँग्रेस आणि भाजपकडून उमेदवारांची यादी जाहीर करण्यात आली आहे. यामध्ये काही विद्यमान आमदारांना डावलून भाजप आणि काँग्रेसने नव्या चेहऱ्यांना संधी दिली आहे.
काही विद्यमान आमदारांना संधी न देण्यात आल्यामुळे अनेकांनी नाराजी व्यक्त केली आहे. तर भाजपकडून उमेदवारांची पहिली यादी बुधवारी जाहीर करण्यात आली. मात्र, या यादीत हिजाबच्या प्रकरणामुळे चर्चेत आलेले उडुपी विधानसभा मतदारसंघातील आमदार रघुपती भट यांना तिकीट नाकारण्यात आले. त्यामुळे रघुपती भट यांनी भाजपबद्दल आपली नाराजी व्यक्त केली.
तसेच माध्यमांशी बोलताना पक्षाने आपल्याला दिलेल्या वागणुकीमुळे प्रचंड दुःख झाले, असं म्हणत ते माध्यमांसमोरच भावूक झाल्याचे पाहायला मिळाले. रघुपती भट म्हणाले, ''पक्षाने जो निर्णय घेतला त्यामुळे मी दु:खी नाही. मात्र, पक्षाने मला ज्या प्रकारे वागणूक दिली ती चुकीची आहे. त्यामुळे मला त्रास झाला'', असं म्हणत त्यांना माध्यमांसमोरच अश्रू अनावर झाले.
''भाजपच्या जिल्हाध्यक्षांनी देखील मला पक्षाने घेतलेल्या निर्णयाची माहिती दिली नाही. फोनही केला नाही. मला थेट माध्यमांमधून माहिती समजली. त्यामुळे जास्त दुःख झाले. जर आपल्याला माझ्या जातीमुळे तिकीट दिले गेले नसेल तर आपण हे स्वीकार करू शकत नाहीत'', असा आरोप यावेळी त्यांनी केला.
''भाजपला आता परिश्रम करणाऱ्या लोकांची गरज राहिली नाही. आपण कठीण काळात देखील पक्षासाठी काम केलं. मात्र, आता संधी नाकारण्यात आली. पण आपल्याला याआधी मिळालेल्या संधीबाबत आपण कृतज्ञ आहोत'', असं म्हणताना त्यांच्या डोळ्यात पाणी आल्याचे पाहायला मिळाले.
(Edited By Ganesh Thombare)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.