Congress News : काँग्रेसला मोठा धक्का! राजीनामा दिलेल्या खासदाराचा भाजपमध्ये प्रवेश

Pradyut Bordoloi News : पाच राज्यातील निवडणुकांच्या तयारीत व्यग्र असलेल्या काँग्रेसला मोठा धक्का बसला आहे. विद्यमान खासदाराने मंगळवारी राजीनामा दिला होता. या राजीनाम्याला 24 तासा होण्याच्या आधीच त्या खासदाराने भाजपमध्ये प्रवेश केला.

आसामध्ये विधानसभा निवडणुकीची तयारी सुरू आहे. 9 एप्रिलाल मतदान होणार आहे. मात्र, काँग्रेस पक्षांतर्गत नाराजी समोर आली असून आपल्या पक्षात मानसन्मान मिळत नाही, असा आरोप करत खासदार प्रद्युत बोरदोलोई यांनी राजीनामा दिला. बोरदोलोई यांच्या खासदाराकीचा कार्यकाळ अजून तीन वर्ष बाकी असताना त्यांनी घेतलेल्या निर्णयाने आश्चर्य व्यक्त केले जात आहे.

राजीनाम्यानंतर त्यांनी थेट भाजपमध्ये प्रवेश केला. भाजपचे आसामचे मुख्यमंत्री हेमंत बिस्वा यांनी त्यांचे पक्षात स्वागत केले. ते म्हणाले, आसामच्या राजकारणात बोरदोलोई हे काही नवे नाव नाही. त्यांच्या सारखा अनुभवी नेता भाजपमध्ये आल्याने भाजपची ताकद आणखी वाढली आहे.

बोरदोलोई हे तरुण गोगाई हे मंत्री असताना त्यांच्या मंत्रिमंडळात मंत्री देखील होते. त्यांचे पुत्राला काँग्रेसने विधानसभेची उमेदवारी देखील दिली आहे. त्यामुळे आता काँग्रेसची मोठी कोंडी झाली आहे. मुलगा देखील वडिलांसोबत भाजपमध्ये जाणार की नाही याची अधिकृत माहिती समोर आलेली नाही.

सगळे डाग धुलते जातील

आसामची जबाबादरी असलेले काँग्रेस नेते भुपेश बघेल यांनी बोरदोलोई यांच्या भाजप प्रवेशाबाबत बोलताना म्हटले की, आता त्यांच्यावरील सर्व डाग धुलते जातील. हेमंत बिस्वा जेंव्हा काँग्रेसमध्ये होते तेव्हा त्यांच्यावर भ्रष्ट्राचाराचे आरोप होते. भाजपमध्ये जाताच त्यांचे डाग धुतले गेले. तसेच बोरदोलोई यांच्याबाबत आहे.