Nitin Gadkari : नितीन गडकरींनी पंतप्रधान नरेंद्र मोदींना ठरवलं खोटं, 'त्या' दाव्याची पोलखोल? व्हिडिओ शेअर करत काँग्रेसने साधला निशाणा

Nitin Gadkari News : केंद्रीय नितीन गडकरी परखड आणि स्पष्ट बोलण्यासाठी प्रसिद्ध आहेत. जे मनात आहे ते स्पष्ट ते बोलतात. नागपूरच्या एका कार्यक्रमात देशात हळूहळू गरीबांची संख्या वाढत असल्याचे विधान त्यांनी केले. त्यांच्या याच विधानाचा संदर्भ देत काँग्रेसने पंतप्रधान नरेंद्र मोदी यांचा जुना व्हिडिओ आणि नितीन गडकरींचे वक्तव्याचा व्हिडिओ एकत्र शेअर करत नरेंद्र मोदींच्या खोटारडेपणावर नितीन गडकरींचा फॅक्ट चेक केले असल्याचे म्हटले आहे.

नरेंद्र मोदी यांनी जाहीर सभेत सरकारच्या प्रयत्नामुळे देशातील गरीबी वेगाने कमी होत आहे, असे वक्तव्य केले होते. त्या वक्तव्याचा आणि देशात हळूहळू गरीबी वाढत आहे, असे नितीन गडकरी यांनी केलेल्या वक्तव्याचा व्हिडिओ काँग्रसेच्या ट्विटरवरून शेअर करण्यात आला आहे.

नितीन गडकरी यांनी आपल्या भाषणात अर्थव्यवस्था कशा प्रकारे वाढली पाहिजे यावर भाष्य केले आहे. काही श्रीमंत लोकांच्या हातात संपत्तीचे केंद्रीकरण होत आहे. ते पण नाही झाले पाहिजे. संपत्तीचे विकेंद्रीकरण करण्याची गरज आहे. या दिशने अनेक बदल करण्यात आले असल्याचे गडकरी यांनी म्हटले. तसेच सेंट्रलायझेशन ऑफ इकाॅनाॅमी असता काम नये, असे देखील सांगितले.

रस्ता बनवायला दोन वर्ष लागली

नितीन गडकरी यांनी आपल्या भाषणात मिश्किलपणे म्हणाले की तुम्ही म्हणता की मी काम केले. मुंबई ते दिल्ली महामार्ग मी बनवू शकलो. पण माझ्या घरासमोरील दोन किलोमीटरचा रस्ता बनवायला 14 वर्ष लागली. दुसऱ्या रोडचे काम सुरू आहे. चार लेनचा तो रोड आहे.