Sharad Pawar On Patel : 'महत्त्वाची पदे देऊनही..' ; शरद पवारांनी पटेलांबाबत केली नाराजी व्यक्त ?

Gujrat News : राष्ट्रवादी काँग्रेसचे अध्यक्ष शरद पवार (Sharad Pawar) यांनी अजित पवार गटात गेलेले प्रफुल्ल पटेल (Praful Patel) यांच्याबद्दल नाराजी व्यक्त केली आहे. पक्षातील महत्त्वाची पदे देऊनही पटेल यांनी अजित पवारांना समर्थन दिल्याने त्यांच्याबद्दल नाराज असल्याचे शरद पवार यांनी सांगितलं आहे. शरद पवारांनी गुजरातमधील पक्ष पदाधिकाऱ्यांसमोर ही नाराजी बोलून दाखवली, अशी बातमी एका मराठी वृत्तवाहिनेने दिली आहे. (Latest Marathi News)

शरद पवार यांनी काल शनिवारी ( दि. २३ सप्टेंबर) गुजरातेतील अहमदाबाद इथे, देशातील मोठे उद्योगपती गौतम अदानी यांच्या एका कंपनीच्या उद्घाटनासाठी उपस्थिती दर्शवली. या वेळी कार्यकर्त्यांशी बोलताना त्यांनी नाराजी व्यक्त केल्याची माहिती मिळत आहे.

शरद पवार - अदानी भेटीवर रोहित पवारांचे भाष्य

उद्योगपती अंबानी, अदानींसह छोट्या व्यावसायिकांना शरद पवार हे नेहमी भेटत असतात. या सगळ्यांना भेटल्यानंतर आपल्याला राज्याचा आणि देशाचा विकास कसा करता येईल, याबाबत चर्चा होत असते. त्यावरून आपण ध्येयधोरणे ठरवित असतो. सगळ्या घटकांना भेटल्याशिवाय धोरणांची आखणी कधीही करता येत नाही," असे रोहित पवार म्हणाले.

(Edited By - Chetan Zadpe)