ED Action: अवैधरित्या सुरु असलेल्या सट्टेबाजीचं अॅप 1xBet प्रकरणात आर्थिक घोटाळा केल्याचा ठपका ठेवत ईडीनं अनेक दिग्गज क्रिकेटर्स आणि बॉलिवूड कलाकारांना तसंच एका खासदाराला दणका दिला आहे. अशा विविध सेलिब्रिटीजच्या मिळून तब्बल १००० कोटी रुपयांची संपत्ती ईडीनं जप्त केली आहे. त्यामुळं एकच खळबळ उडाली आहे.
ईडीच्या तपासात हे समोर आलं आहे की, या सिलेब्रेटीजनं जाणीवपूर्वक आपल्या एजंट्सच्या माध्यमातून 1xBet या बेकायदा सुरु असलेल्या सट्टेबाजीच्या अॅपला प्रमोट करण्यासाठी विदेशी कंपन्यांच्या सहाय्यानं जाहिरात कंपन्यांसोबत करार केले होते. हे करार विदेशी कंपन्यांच्यामार्फत देण्यात आलेल्या पैशांच्या बदल्यात करण्यात आले होते. कारण पैशांच्या अवैध स्त्रोताला लपवता यावं, जे बेकायदा बेटिंगद्वारे होणाऱ्या गुन्ह्यांच्या कमाईशी संबंधित आहे.
ईडीच्या तपासात हे देखील समोर आलं आहे की, 1xBet भारतात विना परवानगी काम करत होतं, तसंच सोशल मीडिया, ऑनलाईन व्हिडिओ आणि प्रिंट मीडियाच्या माध्यमातून भारतीय युजर्सना टार्गेट करण्यासाठी सरोगेट ब्रँडिंग आणि जाहिरातींचा वापर करत होतं. तसंच याच्या जाहिरातींसाठी विदेशी मध्यस्थ्यांच्या माध्यमातून पैसे घेतले जात होते. हा पैशांचा व्यवहार लेअर्ड ट्रॅन्झॅक्शनच्या माध्यमातून करण्यात आला होता कारण या पैशाचा अवैध स्त्रोत लपवला जावा.
या आर्थिक घोटाळ्यात क्रिकेटर युवराज सिंग याची २.५ कोटी रुपयांची संपत्ती ईडीनं जप्त केली आहे. त्याचबरोबर रॉबिन उथप्पा (८.२६ कोटी), बॉलिवूड अभिनेत्री उर्वशी रौतेला (२.०२ कोटी), सोनू सूद (१ कोटी), मिमी चक्रवर्ती (५९ लाख), अंकुश हजारा (४७.२० कोटी) तसंच नेहा शर्मा (१.२६ कोटी) रुपयांची संपत्ती ईडीनं जप्त केली आहे. गुरुवारी ईडीनं ही छापेमारी केली. ईडीनं यापूर्वी देखील या बेटिंग अॅप प्रकरणात अनेक बड्या लोकांवर कारवाई केली होती. यामध्ये शिखर धवन (४.५५ कोटी), सुरेश रैना (६.६४ कोटी) यांच्याही संपत्ती जप्त करण्यात आल्या होत्या. आता 1xBet प्रकरणात जप्त करण्यात आलेल्या एकूण संपत्तीचं मुल्य १९.०७ कोटी रुपयांवर पोहोचलं आहे. त्याचबरोबर इतरही अनेक दिग्गजांच्या नावाचा यात समावेश आहे, त्यामुळं कालच्या कारवाईसह अशी सर्वांची मिळून १००० हून अधिक किंमतीची संपत्ती ईडीनं जप्त केली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.