Mumbai News: माजी मंत्री आणि राष्ट्रवादी काँग्रेस अजित पवार पक्षाचे नेते माणिकराव कोकाटे यांना उच्च न्यायालयाने मोठा दिलासा दिला आहे.सदनिका घोटाळा प्रकरणी कोकाटेंच्या शिक्षेला न्यायालयानं स्थगिती दिली आहे. याचदरम्यान, या याचिकेवरील सुनावणी पूर्ण होईपर्यंत एक लाखाच्या जातमुचलक्यावर माणिकराव कोकाटेंना (Manikrao Kokate) जामीन मंजूर करण्यात आला आहे. आता त्यांच्या तब्येतीबाबत लीलावती रुग्णालयाकडून मेडिकल बुलेटिन जारी करण्यात आले असून यात सर्वात मोठी अपडेट समोर आली आहे.
नाशिकच्या सदनिका घोटाळा प्रकरणात दोषी ठरल्यानंतर मंत्रिपदाचा राजीनामा दिल्यानंतर राष्ट्रवादी काँग्रेसचे नेते आणि माजी मंत्री माणिकराव कोकाटे यांच्यावर मुंबईतील लीलावती रुग्णालयात अँजिओग्राफी करण्यात आली. उच्च रक्तदाबाचा त्रास वाढल्यामुळे कोकाटेंवर अतिदक्षता विभाग (ICU) मध्ये उपचार सुरू आहेत. तसेच त्यांच्यावर बायपास सर्जरीही करावी लागणार असल्याची माहिती डॉक्टरांनी यावेळी दिली आहे.
यावेळी माणिकराव कोकाटेंना जर बायपास सर्जरी करायची नसेल तर त्यांना अँजिओप्लास्टी करावी लागणार असल्याचंही डॉक्टरांनी यावेळी सांगितलं. तसेच अँजिओग्राफी असो वा अँजिओप्लास्टी या दोन्ही शस्त्रक्रियेनंतर पेशंटला सात दिवस रुग्णालयात राहावेच लागते,अशी माहिती लीलावती रुग्णालयाच्या डॉक्टरांनी माध्यमांशी संवाद साधताना सांगितलं. डॉक्टरांच्या प्राथमिक अहवालानुसार,कोकाटेंना पूर्ण विश्रांतीची आवश्यकता असून त्यांना कोणताही ताण येऊ नये,असा सल्ला दिला आहे.
मुंबईतील लीलावती रुग्णालयात सध्या माणिकराव कोकाटे यांच्यावर उपचार सुरू आहे. त्यांच्या्सोबत सध्या त्यांची मुलगी सीमंतिनी कोकाटे आणि पत्नी सीमा कोकाटे उपस्थित आहे. लीलावती रुग्णालयाची वैद्यकीय टीम त्यांच्यावर बारकाईने लक्ष ठेवून आहे. डॉक्टरांच्या दिलेल्या माहितीनुसार,सध्या कोकाटेंना पूर्ण विश्रांतीची आवश्यकता आहे आणि कोणताही ताण येऊ नये, असा महत्त्वाचा सल्लाही त्यांना दिला आहे.
मुंबई हायकोर्टातील (Mumbai High Court) सुनावणीदरम्यान, लीलावती रुग्णालयातील डॉक्टर जलील पारकर यांनी माणिकराव कोकाटेंबाबत दिलेला अहवाल कोर्टात सादर करण्यात आला. कोकाटेंच्या वकिलांनी त्यांचा मेडिकल रिपोर्ट मांडला. आयसीयूच्या बेड नंबर 9 मध्ये एडमिट असून त्यांच्यावर अँजिओग्राफी करण्यात येणार असल्याचं या वैद्यकीय अहवालात म्हटलं होतं.
माणिकराव कोकाटे यांनी आपल्या क्रीडा व युवक कल्याण या मंत्रिपदाचा राजीनामा दिला आहे. तो उपमुख्यमंत्री आणि राष्ट्रवादी काँग्रेसचे प्रमुख अजित पवार यांनी तत्वतः स्विकारला आहे. कोकाटेंना दोन वर्षांची शिक्षा झाल्यानं त्यांच्याविरोधात अटक वॉरंटही निघालं आहे. याचवेळी हायकोर्टात शिक्षेला स्थगिती देण्याप्रकरणी सुनावणी सुरू होती. आता हायकोर्टानं कोकाटेंना मोठा दिलासा दिला असून त्यांच्या शिक्षेला स्थगिती देतानाच त्यांना एक लाखांचा जामीनही मंजूर करण्यात आला आहे.
दरम्यान, मुंबई हायकोर्टाने दिलेल्या निकालाची प्रत प्राप्त झाल्यावर माजी मंत्री आणि राष्ट्रवादी काँग्रेसचे नेते माणिकराव कोकाटेंबाबत विधिमंडळ निर्णय घेणार असल्याची माहिती समोर येत आहे. त्यामुळं कोर्टानं शिक्षेला स्थगिती दिल्यानंतर आणि जामीन मंजूर होऊनही कोकाटेंची आमदारकी राहणार की जाणार या चर्चांना उधाण आलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.