कर्नाटक सरकारच्या जातनिहाय सर्वेक्षणात सहभागी होण्यास इन्फोसिसचे संस्थापक एन.आर.नारायण मूर्ती आणि राज्यसभा सदस्या आणि समाजसेविका सूधा मूर्ती यांनी नकार दिला आहे.
सर्वेक्षण करणारे अधिकारी नुकतेच मूर्ती दापत्यांच्या घरी गेले होते. त्यावेळी 'आम्हाला आमच्या घरी सर्वेक्षण करून घ्यायचे नाही,' असे सांगत सुधा मूर्ती यांनी सर्वेक्षण अर्जामध्ये माहिती भरण्यास नकार देत कागदपत्रांवर सह्या करण्यास नकार दिला. “आम्ही मागासवर्गीय समाजातून नाहीत. त्यामुळे अशा समाजांसाठी करण्यात येणाऱ्या सरकारी सर्वेक्षणात आम्ही भाग घेणार नाही.” असे त्यांनी अधिकाऱ्यांना खडसावले.
या जातनिहाय सर्वेक्षणाला सामाजिक आणि शैक्षणिक सर्वेक्षण असे नावही देण्यात आले आहे. कर्नाटकचे उपमुख्यमंत्री डी.के.शिवकुमार यांनी सूधा मूर्ती यांनी घेतलेल्या या भूमिकेवर प्रतिक्रिया दिली आहे. 'आम्ही जातनिहाय सर्वेक्षणात सहभागी होण्यास कोणालाही जबरदस्ती करू शकत नाही,' असे डी.के. शिवकुमार यांनी म्हटले आहे.
कर्नाटकात सध्या जातनिहाय सर्वेक्षण सुरू आहे. 25 सप्टेंबर रोजी कर्नाटक उच्च न्यायालयाने दिलेल्या आदेशानुसार हे सर्वेक्षण ऐच्छिक आहे. न्यायालयाने कर्नाटक राज्य मागासवर्गीय आयोगाला सार्वजनिक अधिसूचना जारी करण्याचे निर्देश दिले होते. ज्यामध्ये “हे सर्वेक्षण ऐच्छिक असेल आणि कोणालाही कोणतीही माहिती उघड करण्यास भाग पाडले जाणार नाही”, असा उल्लेख यात करण्यात आला आहे.
22 सप्टेंबरपासून सुरू झाली असून ती 18 ऑक्टोबरपर्यंत चालणार आहे.
कर्नाटक राज्य मागासवर्ग आयोग (KSCBC) हे सर्वेक्षण करीत आहे.
सुरुवातीला हे सर्वे 7 ऑक्टोबरला संपणार होते,त्याला मुदत वाढ देण्यात आले आहे.
या सर्वेक्षणात सुमारे 60 प्रश्नांचा समावेश आहे.
राज्यातील सुमारे 2 कोटी घरांतील जवळपास 7 कोटी लोकांचा या सर्वेत समावेश केला जाणार आहे.
आयोग डिसेंबरपर्यंत सरकारकडे आपला अहवाल सादर करू शकतो.
या सर्वेक्षणासाठी 1.75 लाख सरकारी कर्मचाऱ्यांची नियुक्ती करण्यात आली आहे.
ज्यात बहुतांश सरकारी शाळांतील शिक्षक आहेत. हे शिक्षक घराघरांत जाऊन माहिती गोळा करत आहेत.
शिक्षकांना सर्वेक्षणाची जबाबदारी देण्यात आल्याने कर्नाटकातील सरकारी शाळांना 18 ऑक्टोबरपर्यंत सुट्टी जाहीर करण्यात आली आहे
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.