Nishikant Dubey Controversial Statement : भाजप खासदाराकडून मराठी अन् महाराष्ट्राचा अपमान; वादग्रस्त दुबेंनी सरन्यायाधीश अन् निवडणूक आयुक्तांनाही सोडलं नव्हतं!

Nishikant Dubey VS MNS : भाजप खासदार निशिकांत दुबे यांनी महाराष्ट्राचा, मराठी माणसाचा अपमान होईल, असे वक्तव्य केले होते. ते म्हणाले, 'तुम्ही महाराष्ट्राच्या बाहेर दुसऱ्या राज्यात जा तुम्हाला आपटून मारू. तुम्ही असं काय करताय की मराठी बोलावं लागेल? तुम्ही आमच्या पैशावर जगता. तुम्ही आमचं शोषण करून कर भरता.'

महाराष्ट्र आणि मराठी माणसाविषयी गरळ ओकणाऱ्या निशिकांत दुबे यांनी सर्वोच्च न्यायालायाचे सरन्यायाधीश तसेच निवडणूक आयोगाच्या माजी आयुक्तांना देखील सोडले नव्हते. त्यांनी यांच्या विषयी देखील वादग्रस्त वक्तव्य केली होती. ती पुन्हा चर्चेत आली आहेत.

वक्फ बोर्ड सुधारणा विधेयकाविषयी सर्वोच्य न्यायायाने निर्णय देताना काही सुधारणा लगेच लागू करण्यास निर्बंध घातला होता. यावर याचिकाकर्ते व सरकारचे म्हणणे सर्वोच्य न्यायालयाने सादर करण्यास सांगितले होते. त्यावरून दुबे म्हणाल होते की, न्यायालय आपली मर्यादा ओलांडत आहे. जर देशात गृहयुद्ध झाले तर त्याला सरन्यायाधीश जबाबदार असतील.'

दुबे यांच्या वादग्रस्त वक्तव्याच्या सर्वोच्च न्यायालायाने दखल घेत त्यांच्याविरोधात केस दाखल करण्याचे आदेश दिले होते.

निशिकांत दुबे यांनी माजी निवडणूक आयुक्त एस वाय कुरैशी यांच्यावर देखील वादग्रस्त वक्तव्य केले होते. कुरैशी यांनी वक्फ बोर्डा विधेयकावर मत व्यक्त केल्यानंतर दुबे म्हणाले होते की, कुरैशी हे निवडणूक आयुक्त नव्हते तर ते फक्त मुस्लिम निवडणूक आयुक्त होते.

भाजपची भूमिका काय?

महाराष्ट्राच्या विरोधात गरळ ओकणाऱ्या निशिकांत दुबे यांनी मागे केलेल्या काही वादग्रस्त वक्तव्यांच्या विरोधात भाजपने काही ठोस भूमिका घेतल्याचे दिसत नाही. ही मते त्यांची वैयक्तिक आहेत. त्याच्याशी पक्षाचा काही संबंध नाही, अशी विधान भाजपच्या वरिष्ठ नेत्यांकडून करण्यात आली होती.