Pahalgam terror attack update : जम्मू-काश्मीरच्या पहलगाम येथे दहशतवाद्यांनी पर्यटकांवर केलेल्या भ्याड हल्ल्याने संपूर्ण देशभरात प्रचंड संतापाचे वातावरण आहे. तर दुसरीकडे दहशतवाद्यांच्या या कृत्यानंतर भारताचा संताप बघता पाकिस्तानची मात्र भीतीने अक्षरशा झोप उडाली आहे. याच पार्श्वभूमीवर पाकिस्तानी सैन्याने चुळबूळ सुरू केल्याचे दिसत आहे.
कारण, काल दहशतवाद्यांनी हल्ला केल्यानंतर रात्रभर पाकिस्तानच्या हवाई दलाची विमानं भारताच्या सीमेवर घिरट्या घालत होती. कदाचित पाकिस्तानलाही याची खात्री असणार की संतापलेला भारत या दहशतवादी हल्ल्याचा बदला नक्कीच घेणार. मागील इतिहास बघता अशा दहशतवादी घटनानंतर भारताने दिलेले सडेतोड उत्तर पाकिस्तानला धडकी भरवणारेच आहे.
भारताने सर्जिकल स्ट्राईक करून पाकिस्तानचा खोटेपणाचा बुरखा जगासमोर टराटरा फाडला होता. त्यानंतर आता पुन्हा एकदा भारत तशाचप्रकारे कारवाई करेल, असा पाकिस्तानचा अंदाज असावा म्हणूनच पाकिस्तानच्या संरक्षण मंत्र्यांनीही या हल्ल्याशी आमचा काहीही संबंध नसल्याचे सांगून पाकिस्तानचा बचाव करण्याचा प्रयत्न केल्याचे दिसते. त्यात, आता भारताचे लष्करी सामर्थ्यही प्रचंड वाढलेले आहे. त्यामुळे पाकिस्तानची भीतीने पुरती तंतरल्याचे दिसत आहे.
पंतप्रधान मोदी, गृहमंत्री अमित शहा, संरक्षणमंत्री राजनाथ सिंह या सर्वांनीच या भ्याड दहशतवादी हल्ल्याचा बदला घेतला जाईल आणि या मागे जे कोणी सूत्रधार असतील त्यांना सोडणार नाही, असा कडक आणि सूचक इशारा दिलेला आहे. त्यावरून भारत आता नक्कीच गप्प बसणार नाही, हे स्पष्ट झाले आहे. शिवाय, भारताने तिन्ही सैन्य दलास अलर्टमोडवरही ठेवलेले आहे.
केवळ भारतच नव्हे तर अवघ्या जगभरातून या दहशतवादी हल्ल्याचा निषेध नोंदवला गेला आहे. अमेरिकेचे राष्ट्राध्यक्ष डोनाल्ड ट्रम्प यांनी आम्ही भारतासोबत असल्याचे जाहीर केले आहे. तर, रशिया, सौदी अरेबिया यासह अनेक देशांकडून या हल्ल्यावर तीव्र प्रतिक्रिया दिल्या गेल्या आहेत.
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.