India Vs Pakistan War: आधीच बिथरलेल्या पाकिस्तानला नवा मोठा धक्का; 'हा' जुना बलाढ्य मित्र भारताच्या मदतीला धावून आला

New Delhi News : पहलगाम दहशतवादी हल्ल्यावरुन आता एक मोठी अपडेट समोर येत आहे. जागतिक स्तरावर मोठी शक्ती समजल्या जात असलेल्या रशियानं आता भारताला आपला पाठिंबा जाहीर केला आहे. रशियाचे राष्ट्राध्यक्ष व्लादिमीर पुतीन (Vladimir Putin)यांनी पंतप्रधान नरेंद्र मोदी यांच्याशी थेट फोनवरुन संपर्क साधत दहशतवादाविरुद्धच्या लढाईत भारत देशाला संपूर्ण पाठिंबा देणार असल्याची स्पष्ट भूमिका पुतीन यांनी मांडली आहे.

जम्मू काश्मीरमधील पहलगाममध्ये झालेल्या दहशतवादी हल्ल्यानंतर आता भारत आणि पाकिस्तान यांच्यातील संबंध आणखी ताणले गेले आहेत. भारतानं पहलगाम हल्ल्याला पाकिस्तानला जबाबदार धरत कठोर पावलं उचलली आहेत. एकीकडे पाकिस्तानची चोहोबाजूंनी कोंडी करतानाच दुसरीकडे युध्दाच्या दिशेनं लष्करी तयारी सुरू केली आहे. यातच आता रशियासारखा युध्दसामग्रीनं अत्यंत शक्तिशाली असलेल्या रशियानं आता भारताच्या अतिरेक्यांविरोधातील लढ्याला पूर्ण पाठिंबा जाहीर केला आहे.

रशियाचे राष्ट्राध्यक्ष व्लादिमीर पुतीन यांनी पंतप्रधान नरेंद्र मोदींना (Narendra Modi) फोन करत पहलगाम हल्ल्याचा निषेध व्यक्त केला आहे. याचवेळी त्यांनी हल्ल्यात मृत पावलेल्यांच्या प्रती सद्भावनादेखील व्यक्त केल्या आहेत. या हल्ल्यातील दोषींसह त्यांच्या समर्थकांना कठोरात कठोर शिक्षा देण्यासाठी न्यायाच्या कक्षेत आणायला हवं,असेही पुतीन यांनी म्हटलं आहे.

एकीकडे भारतीय लष्कराने युद्धाचा सराव सुरू केल्यामुळे पाकिस्तान प्रचंड घाबरला आहे. त्याचवेळी भारताला अमेरिका,फ्रान्स,ब्रिटन,जपान, इस्त्राईल,जर्मनी,इराण आणि सौदी अरब यां देशानंतर आता रशियानेही भारताला दिलेल्या पाठिंब्यानंतर जाहीर केला आहे. यामुळे भारताच्या दहशतावादाविरोधातील लढ्याला आणखी धार चढली आहे.पहलगामनंतर पंतप्रधान मोदींना फोन केलेले पुतिन हे 18 वे जागतिक नेते ठरले आहेत.

पुतीन नेमकं काय म्हणाले...?

रशियाचे राष्ट्राध्यक्ष व्लादिमीर पुतीन यांनी पंतप्रधान मोदींसोबत संवाद साधताना भारतातील दहशतवादी हल्ल्यामध्ये जे कुणी सामील असतील त्यांना कठोर शिक्षा मिळावी अशी भूमिहाही स्पष्ट केली. तसेच दहशतवाद तसेच इतर अनेक गोष्टींवर भारत आणि रशिया एकत्र मिळून काम करतील असा विश्वासही पुतीन यांनी मोदींना दिला.