Chhannulal Mishra Passes Away : PM मोदींना वाराणसीला आणणारा चेहरा काळाच्या पडद्याआड

Chhannulal Mishra News : हिंदुस्थानी शास्त्रीय गायक पंडीत छन्नूलाला मिश्र यांचे आज उत्तर प्रदेशमधील मिर्झापूर येथे निधन झाले. ते 89 वर्षांचे होते. त्यांच्या निधनानंतर पंतप्रधान नरेंद्र मोदी यांनी शोक व्यक्त केला आहे. नरेंद्र मोदी हे 2014 मध्ये वाराणसीमधून उमेदवार होते. तेव्हा पंडित छन्नूलाल हे मोदींचे प्रस्तावक होते.

पंतप्रधान मोदींनी आपल्या एक्स अकाऊंटक पोस्ट करत म्हटले आहे की, सुप्रसिद्ध शास्त्रीय गायक पंडित छन्नूलाल मिश्र यांच्या निधनाने खुप दु:ख झाले. त्यांचे जीवन भारतीय कला आणि संस्कृतीला समृद्ध करण्यासाठी समर्पित होते.

शास्त्रीय संगीताला लोकांपर्यंत पोहण्याच्यासोबतच भारतीय परंपरेला जगाच्या नकाशावर मानाचे स्थान मिळवून देण्यात त्यांचे अमूल्य योगदानआहे. माझे भाग्य आहे की, मला त्यांचे स्नेह आणि प्रेम मिळाले. 2014 मध्ये वाराणसीच्या सीटवर ते माझे प्रस्तावक होते. दुखःच्या या प्रसंगी मी मिश्रा कुटुंबीयांच्या प्रति संवेदना व्यक्त करतो, असे देखील पंतप्रधान म्हणाले.

पंडित छन्नूलाल मिश्र यांच्या मुलीने सांगितले की, मागील 17-18 दिवसांपासून त्यांना तब्येतीची कारणाने रुग्णालयात दाखल करण्यात आले होते. आज सकाळी त्यांचे चार वाजता निधन झाले. छन्नूलाल मिश्रा यांच्यावर अंतिम संस्कार आज पाच वाजता वाराणसी येथे होणार आहे. त्यांच्या पश्चात मुलगा तबला वादक रामकुमार मिश्र आणि तीन मुली आहेत.