Pahalgam Attack News : पंतप्रधान नरेंद्र मोदी हे सौदी अरेबियाच्या दौऱ्यावर होते. कश्मीर खोऱ्यातील पहलगाम येथे झालेल्या दहशतवादी हल्ल्ल्याची माहिती मिळताच त्यांनी तातडीने अमित शाहांना फोन केला. त्यानंतर मंगळवारी रात्री अमित शाह हे कश्मीरमध्ये दाखल झाले. दहशतवाद्यांच्या हल्ल्यात तब्बल 28 पर्यटकांचा मृत्यू झाला आहे. मागील पाच वर्षातील हा पर्यटकांवरील सर्वा मोठा हल्ला मानला जातोय. दरम्यान, पंतप्रधान मोदी यांनी आपला सौदी अरेबियाचा दौरा अटोपता घेत ते आज (बुधवारी) दिल्लीमध्ये दाखल झाले.
पंतप्रधान नरेंद्र मोदी यांचे सौदीवरून आज दिल्ली विमानतळावर दाखल झाले. त्यावेळी भारतीय जेम्स बाँड म्हणून ओळख असलेल्या राष्ट्रीय सुरक्षा सल्लागार अजित डोवल हे त्यांना विमानतळावर भेटले. अजित डोवल हे पंतप्रधान मोदींशी संवाद साधताना दिसून आले.
पंतप्रधान नरेंद्र मोदी यांनी विमानतळावरवच पहलगाममधील दहशतवादी हल्ल्यानंतरच्या परिस्थितीवर चर्चा करण्यासाठी राष्ट्रीय सुरक्षा सल्लागार अजित डोभाल आणि परराष्ट्र मंत्री एस. जयशंकर यांच्यासोबत बैठक घेतली.
चार फेब्रुवारी 2019 मध्ये पुलामा हल्ल्यात सीआरएफचे जवान शहीद झाले होते. त्यानंतर पंतप्रधान नरेंद्र मोदी यांनी मोठा निर्णत घेतला. भारताच्या हवाई दलाने पाकिस्तानमध्ये सर्जिकल स्ट्राईक करत दहशतवाद्यांची ठिकाणे नष्ट केली होती. काल (मंगळवारी) पर्यटकांवर झालेल्या हल्ल्यानंतर पंतप्रधान मोदी हे तातडीने भारतात दाखल झाले आहेत. सुरक्षा यंत्रणांसोबत ते बैठका घेत आहेत. त्यामुळे 2019 प्रमाणे पंतप्रधान मोदी मोठा निर्णय घेण्याच्या तयारीत असल्याची शक्यता आहे.
पंतप्रधान नरेंद्र मोदी यांनी मंगळवारी हल्ल्याची माहिती मिळताच ट्विटवरून आपली पहिली प्रतिक्रिया दिली होती. हल्ल्यामध्ये जखमी आणि मृ्त्यू झालेल्या पर्यटकांसाठी त्यांनी सहवेदना व्यक्त केली होती. या हल्ल्याने दहशदवादा विरोधात भारत आणखी मजबूतीने लढेल, असे सांगताना ज्यांनी हे कृत्य केले. त्यांना सोडले जाणार नाही, असा इशारा देखील पंतप्रधान मोदी यांनी दिला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.