Chhattisgarh News : लोकसभा निवडणुका अवघ्या काही महिन्यांवर येऊन ठेपल्या आहेत. तसेच मध्य प्रदेश, छत्तीसगड, राजस्थान, तेलंगणा, मिझोराम या पाच राज्यांच्या विधानसभेच्या निवडणुका होत आहेत. या निवडणुकांकडे लोकसभेची रंगीत तालीम म्हणूनदेखील पाहिले जात आहे. या पार्श्वभूमीवर आता पंतप्रधान नरेंद्र मोदी प्रचाराचा धुरळा उडवण्यासाठी सज्ज झाले असून, इलेक्शन मोडवर आले आहेत. (Latest Marathi)
पंतप्रधान नरेंद्र मोदी आज तेलंगणा आणि छत्तीसगडच्या दौऱ्यावर जाणार आहेत. यामुळे आता मोदी आता इलेक्शन मोडवर आल्याने एकप्रकारे प्रचाराचे रणशिंग फुंकले जाणार आहे. पाच राज्यांच्या विधानसभा निवडणुका या वर्षअखेरीस पार पडणार आहेत. आज मोदी छत्तीसगडमध्ये जगदलपूर इथं 24 हजार कोटी रुपयांच्या आणि तेलंगणातील निजामाबाद इथं 8 हजार कोटी रुपयांच्या कामाचं उद्घाटन आणि भूमिपूजन करणार आहेत.
देशातील पाच राज्यांच्या आगामी विधानसभा निवडणुकीची तयारी भाजपने सुरू केली आहे. या निवडणुकांच्या पार्श्वभूमीवर पंतप्रधान नरेंद्र मोदी राज्यांचे दौरे करणार आहेत. यामुळे आता भाजपच्या प्रचाराचा प्रमुख चेहरा मोदी हेच असून, त्यांच्याच नेतृत्वाखाली पाच राज्यांच्या निवडणुकीत भाजप प्रचार करणार आहे.
(Edited By - Chetan Zadpe)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.