पशुखाद्य गैरव्यवहार : लालू प्रसाद यादव यांना पाच वर्षांची शिक्षा

पाटणा/रांची : बिहारचे माजी मुख्यमंत्री व राष्ट्रीय जनता दलाचे अध्यक्ष लालू प्रसाद यादव (वय ७३) (Lalu Prasad Yadav) यांना पशुखाद्य गैरव्यवहाराप्रकरणात (fodder scam) पाच वर्षांचा कारावास आणि ६० लाख रूपयांचा दंड अशी शिक्षा सोमवारी (ता. २१) सुनावली आहे.

पशूखाद्य गैरव्यवहारातील सर्वांत मोठ्या डोरंडा कोशागार गैरव्यवहारात लालू प्रसाद यांना केंद्रीय अन्वेषण विभागाच्या (सीबीआय) विशेष न्यायालयाने गेल्या आठवड्यात दोषी जाहीर केले होते. झारखंडमधील डोरंडा कोषागरातून १९९६मध्ये १३९.३५ कोटी रुपये अवैधरीत्या काढल्याचा आरोप त्याच्यावर आहे.

पशूखाद्य गैरव्यवहारात चाईबासा कोशागारसंबंधी दोन, देवघर व डुमका कोशागारशी संबंधित चार प्रकरणात लालू प्रसाद यांना १४ वर्षांची शिक्षा आधीच सुनावण्यात आलेली आहे. यादव हे सध्या एम्स रुग्णालयात आहेत. तेथून व्हिडिओ कॉन्फरन्सिंगद्वारे ते सुनावणीला हजर होते. अन्य दोषी होटवार रुग्णालयातून उपस्थित होते.