राज्यसभेच्या माध्यम सल्लागार समितीचे सचिव बागाईतकर यांचा राजीनामा

दिल्ली : राज्यसभेच्या (Rajya Sabha) माध्यम सल्लागार समितीचे सचिव अनंत बागाईतकर (Anant Bagaitkar) यांनी राजीनामा दिला आहे. ते सकाळ माध्यमाचे दिल्ली ब्यूरो चीफ आहेत. ही समिती राज्यसभेत प्रसार माध्यमांबाबत शिफारस देत असते. कोरोनाचे कारण देत केंद्र सरकारने पत्रकारांना संसदेत (Parliament) येण्यास बंदी घातली आहे. त्यामुळे बागाईतकर यांनी राजीनामा दिला.

पत्रकारांना संसदेत प्रवेश देण्यात यावा, यासाठी दिल्लीमध्ये पत्रकारांनी मोर्चाही काढला होता. त्यावेळीही बागाईतकर यांनी आपली भूमिका मांडली होती. मात्र, पत्रकारांच्या आंदोलनानंतरही केंद्र सरकारने काहीच निर्णय घेतला नाही. त्यामुळे अखेर बागाईतकर यांनी व्यथित होऊन आपला राजीनामा दिला आहे.

अनंत बागाईतकर ह्यांनी गेली तीस वर्षे संसदेत वार्तांकन केले आहे. त्यांनी लोकसभेच्या माध्यम सल्लागार समितीवरही काम केले आहे. कोरोना काळात पत्रकारांच्या संसदेतील प्रवेशवर मर्यादा आणण्यात आली. आता कोरोना काळ संपला तरी पत्रकारांना प्रवेश देण्यात अडचणी आणल्या जात आहेत. त्याचा निषेध व्यक्त करत बागाईतकर यांनी राजीनामा दिला आहे.