Punjab Election Results : आपच्या झाडूने काँग्रेसचा सुपडा साफ; सिद्धू, कॅप्टन अमरिंदर सिंग पराभवाच्या छायेत

नवी दिल्ली : देशातील पाच राज्यांच्या विधानसभा निवडणुकीच्या मतमोजणीस सुरूवात झाली असून पंजाबमध्ये एक्झिट पोल (Exit Poll) नुसारच कल दिसत असून आपने (AAP) पंजाबमध्ये जोरदार मुंसडी मारत सत्तेच्या जवळ पोचली आहे. पंजाबमधील 117 जागापौकी 84 जांगावर आपने आघाडी घेतली असून सत्तेत असलेल्या काँग्रेसला (Congress) 17 जागांवर आघाडी मिळाली आहे. तर शिरोमणी आकाली दलाला 10 जागांवर आघाडी मिळाली आहे. तर भाजपने 4 जागेवर आघाडी घेतली आहे हे चित्र बघितल्याव आमच्या झाडूने सत्तेत असलेल्या काँग्रेसचा साफ केल्याचे चित्र दिसत आहे. मात्र, पंजाब काँग्रेसचा महत्वाचा चेहरा असलेले नवज्योतसिंग सिद्धू हे त्यांच्या पारंपारिक मतदारसंघ अमृतसर (पूर्व) येथून आकाली दलचे (एसएडीच्या) बिक्रम मजिठियाला यांनी कडवी टक्कर देत असून ते पराभवाच्या छायेत आहेत तर पंजाबचे माजी मुख्यमंत्री कॅप्टन अमरिंदर सिंग आणि चरणजीत चन्नी यांनाही आपच्या उमेदवाराने घाम फोडला असून ते पिछाडीवर आहेत. (Punjab Election Results 2022 live updates)

पंजाबमधील (Punjab Election 2022) २२ जिल्ह्यातील सर्व ११७ जागांवर 20 फेब्रुवारी रोजी मतदान झाले होते. पंजाबमध्ये एकाच टप्यात मतदान झाले असून आज (ता.10 मार्च) निवडणुकीचा निकाल लागणार आहे. राज्यात कॉग्रेसला आपची टक्कर आहे. निवडणुकीत भाजप हा शिरोमणी अकाली दलापासून वेगळा झाला आहे. तर कॅप्टन अमरिंदर सिंह (Amarinder Singh) नवे राजकीय भागीदार म्हणून भाजपसोबत आहेत. पण त्याचा काही परिणाम निवडणुकीत झालेला दिसत नसल्याचे सुरूवातीच्या निकालावरून दिसत आहे.

7 मार्चला 'एनडीटीव्ही'ने विविध एक्झिट पोलच्या केलेल्या सरासरीमध्ये काँग्रेसची पंजाबमधील सत्ता जाताना दिसत असल्याचे म्हटले होते. राज्यात काँग्रेसला जवळपास 50 जागांचे नुकसान होत असून केवळ 27 जागा मिळण्याची शक्यता एक्झिट पोलमध्ये व्यक्त करण्यात आली होती. तर आप 70 जागांच्या जवळपास पोहचत राज्यात सत्ता मिळवेल असा अंदाज व्यक्त करण्यात आला आहे. मागील निवडणुकीत आपला केवळ 20 जागा मिळाल्या होत्या. मात्र, दिल्लीनंतर आपला पंजाबमध्ये सत्ता मिळणार असल्याची चिन्हं दिसत आहेत.