Trinamool Congress News : तृणमूल काँग्रसेच्या खासदार महुआ मोइत्रा या राजकीय वर्तूळात सातत्याने चर्चेत असतात. ‘पैशांच्या बदल्यात प्रश्न’ प्रकरणात त्यांची खासदारकी रद्द करण्यात आली होती. पण त्यांनी पुन्हा निवडणूक लढवत संसद गाठली. आता आपल्याच पक्षातील खासदारासोबत झालेल्या वादाने त्या पुन्हा चर्चेत आल्या आहेत.
केंद्रीय निवडणूक आयोगाच्या कार्यालयातच त्या रडल्याचे समोर आले आहे. ही घटना काही दिवसांपूर्वीच आहे. तृणमूल काँग्रेसचे शिष्टमंडळ आयोगाला एक निवेदन देण्यासाठी जाणार होते. पण या शिष्टमंडळामध्ये मोइत्रा यांचे नाव नव्हते. त्यांनी खासदार कल्याण बॅनर्जी यांना याबाबत विचारणा केली आणि दोघांमध्ये आयोगाच्या कार्यालयातच वाद झाला.
महुआ मोइत्रा आणि बॅनर्जी यांच्यातील वाद अत्यंत टोकाला गेला होता. मोइत्रा यांनी बॅनर्जींना अटक करण्यासाठी बीएसएफच्या जवानांकडे धाव घेतली होती. बॅनर्जी यांनीच त्यांचे नाव न घेता पत्रकार परिषदेत हा दावा केला होता. त्यांनी या प्रकरणावरून त्यांच्यावर जोरदार टीकाही केली होती. बॅनर्जी आणि दुसरे खासदार कीर्ती आझाद यांचा व्हिडीओ आणि चॅटिंगही व्हायरल झाल्यानंतर हा प्रकार चव्हाट्यावर आला.
बॅनजी यांच्या टीकेनंतर तृणमूलचे ज्येष्ठ खासदार सौगत रॉय यांनी महुआ मोइत्रा यांचे नाव घेत खुलासा केला. निवडणूक आयोगाच्या कार्यालयात बॅनर्जी रडल्याचा दावा रॉय यांनी केला आहे. रॉय यांनी कल्याण बॅनर्जी यांना टीएमसी मुख्य प्रतोद पदावरून हटवण्याची मागणीही केली आहे.
सौगत रॉय यांनी मीडियाशी बोलताना बॅनर्जी यांचा उल्लेख असभ्य असा केला. मोइत्रा आणि बॅनर्जी यांच्यात झालेल्या वादावेळी मी तिथे नव्हतो. बॅनर्जी यांच्या वागणुकीनंतर महुआ रडत असल्याचे मी पाहिले होते. त्यांनी इतर पक्षाच्या खासदारांकडेही याबाबत तक्रार केली. त्यांनी मला काही सांगितले नाही.
जे काही घडले ते दुर्दैवी होते. हा पक्षातील अंतर्गत मुद्दा असूनही तो सार्वजनिक झाला. महुआ यांनी इतर खासदारांना घटनेबाबत सांगितले. बॅनर्जी आपल्यासोबत असभ्य वागल्याचा दावा महुआ यांनी खासदारांकडे केल्याची माहिती रॉय यांनी दिली. बॅनर्जी यांची अशी वागणूक अनेकदा पाहायला मिळाली आहे, अशी नाराजीही रॉय यांनी व्यक्त केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.