Top 10 Most Powerful Countries : फोर्ब्सने केली जगातील सर्वात शक्तिशाली देशांची नवीन यादी जाहीर; भारत 'या' स्थानावर

पंतप्रधान नरेंद्र मोदींनी भारताला जगातील तिसरी सर्वात मोठी अर्थव्यवस्था बनवण्याचे लक्ष्य ठेवले आहे. हे लक्ष्य साध्य करण्यासाठी सरकारकडून सातत्याने प्रयत्न सुरू आहेत. सरकारच्या प्रयत्नांमुळे मोठ-मोठ्या परदेशी कंपन्यांनी भारतात गुंतवणूक वाढवली आहे. जगातील सर्वात शक्तिशाली देशांची यादी जाहीर झाली आहे. फोर्ब्सने शेअर केलेल्या क्रमवारीत भारत पहिल्या 10 देशांमध्ये नाही.

भारत आता 12 व्या स्थानावर पोहोचला आहे. फोर्ब्समध्ये प्रकाशित झालेला अहवाल देखील यूएस न्यूजने संकलित केला आहे. यूएस न्यूजच्या पॉवर सब-रँकिंग्ज पाच-बिंदू स्केलवर आधारित असतात जे देशाची ताकद प्रतिबिंबित करतात. या मुद्द्यांमध्ये नेतृत्व, आर्थिक प्रभाव, राजकीय प्रभाव, मजबूत आंतरराष्ट्रीय युती आणि मजबूत लष्कर यांचा समावेश आहे. भारताची अर्थव्यवस्था जगात पाचव्या क्रमांकावर आहे, लोकसंख्येच्या बाबतीत ती पहिल्या क्रमांकावर आहे.

युनायटेड स्टेट्स - जीडीपी: $३०.३४ ट्रिलियन | लोकसंख्या: ३४.५ दशलक्ष

चीन - जीडीपी: $१९.५३ ट्रिलियन | लोकसंख्या: १.४१९ अब्ज

रशिया - जीडीपी: $२.२ ट्रिलियन | लोकसंख्या: ८४ दशलक्ष

ब्रिटन - जीडीपी: $३.७३ ट्रिलियन | लोकसंख्या: ६.९ कोटी

जर्मनी - जीडीपी: $४.९२ ट्रिलियन | लोकसंख्या: ८.५४ कोटी

दक्षिण कोरिया - जीडीपी: $१.९५ ट्रिलियन | लोकसंख्या: ५.१७ कोटी

फ्रान्स - जीडीपी: $३.२८ ट्रिलियन | लोकसंख्या: ६.६५ कोटी

जपान - जीडीपी: $४.३९ ट्रिलियन | लोकसंख्या: १२.३७ कोटी

सौदी अरेबिया - जीडीपी: $१.१४ ट्रिलियन | लोकसंख्या: ३.३९ कोटी

इस्रायल - जीडीपी: $५५०.९१ अब्ज | लोकसंख्या: ९३.८ लाख

भारताचे स्थान

या यादीत भारत 12 व्या स्थानावर आहे. भारताचा जीडीपी 3.55 ट्रिलियन डॉलर्स आहे आणि त्याची लोकसंख्या 1.43 अब्जच्या जवळ पोहोचली आहे. जरी भारत जगातील सर्वात वेगाने वाढणाऱ्या अर्थव्यवस्थांपैकी एक असला तरी, यावर्षी त्याला पहिल्या 10 मध्ये स्थान मिळाले नाही.

12 व्या स्थानावर का आहे भारत?

तज्ज्ञांच्या मते, भारताची लष्करी शक्ती आणि आर्थिक वाढ मजबूत आहे, परंतु इतर देशांनी राजकीय स्थिरता, आंतरराष्ट्रीय युती आणि तांत्रिक नवोपक्रमात त्याला मागे टाकले आहे. तथापि, येत्या काही वर्षांत भारत पहिल्या 10 मध्ये येण्याची शक्यता अजूनही आहे.