Karnataka Assembly Election 2023 : कर्नाटक निवडणुकींचे बिगुल वाजले आहे. सर्वच पक्षांनी जोरदार तयारी केली आहे. सर्वच पक्षांनी तिकीट वाटप केले आहे, प्रचाराची रणधुमाळी सुरू आहे. कर्नाटकात भाजप-काँग्रेससह जेडीएस एकमेकांसमोर आहेत. यातच भाजपकडून निवडणुकीत प्रचारासाठी स्टार प्रचारकांची (BJP Star Campaigner) यादी जाहीर केली आहे.
या यादीमध्ये सर्वात मोठे स्टार प्रचारक पंतप्रधान नरेंद्र मोदी (Narendra Modi) आहेत. त्याचप्रमाणे, भाजपाध्यक्ष जे. पी. नड्डा, केंद्रीय गृहमंत्री अमित शहा, अर्थमंत्री निर्मला सीतारामन, संरक्षण मंत्री राजनाथ सिंग यांच्याबरोबरच मंत्री नितीन गडकरी (Nitin Gadkari), स्मृती ईराणी, महाराष्ट्राचे उपमुख्यमंत्री देवेंद्र फडणवीस (Devendra Fadnavis) यांचा ही समावेश आहे.
विशेष म्हणजे, या यादीमध्ये निम्मे केंद्रीय मंत्रीमंडळ व ५ राज्यांच्या मुख्यमंत्र्यांचा देखील समावेश आहे. यावेळी भाजपकडून सत्ता निसटणार असे, अनेक सर्व्हेतून दावा करण्यात आला आहे. त्यामुळे या निवडणुकीत भाजप आपली पूर्ण ताकद लावणार असे दिसून येत आहे.
तसेच, यंदाच्या यावेळी गुजरातच्या धर्तीवर विधानसभेचे तिकीट वितरीत करण्याचे अनोखा निर्णय कर्नाटक राज्यात भाजपने घेतला आहे. यामुळे डॅमेज कंट्रोल पवित्र्यात भाजप दिसून येत आहे. आतापर्यंत कर्नाटकात अनेक दिग्गज नेत्यांनी पक्षाला रामराम केला आहे. त्यामुळे कर्नाटकात भाजपसमोर काँग्रेस तसेच काही प्रमाणात जेडीएसचं तगडं आव्हान आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
