Ladki Bahin Yojana News : विधानसभा निवडणुकीपूर्वी राज्यात महायुती सरकारने लाडकी बहीण योजना सुरू केली. या योजनेंतर्गत पात्र लाभार्थी महिलांना दर महिन्याला दीड हजार रुपयांची आर्थिक मदत केली जाते. मात्र, नुकताच तब्बल ९२ लाख महिला अपात्र ठरवण्यात आल्या. यावरून विरोधकांनी सरकारला धारेवर धरले होते. अशातच महिला व बालविकास विभागाच्या मंत्री आदिती तटकरे यांच्या एका वक्तव्याने वाद सुरू होण्याची शक्यता आहे.
वाशिम येथील एका कार्यक्रमात त्यांनी लाडक्या बहिणींना सल्ला देत, लाडक्या बहिणींनी त्यांना मिळणारे १५०० रुपये शॉपिंगवर खर्च करू नयेत. काही पैसे बचत करावेत, असेही तटकरे यांनी म्हटले आहे.
वाशिम जिल्ह्यात नव्याने बांधण्यात आलेल्या महिला आणि बालकल्याण कार्यालयाचे लोकार्पण त्यांच्या हस्ते झाले. त्यावेळी आदिती तटकरे यांनी लाडक्या बहिणींना हा सल्ला दिला. आता यावरूनच राजकीय वातावरण चांगलेच तापण्याची शक्यता आहे.
आदिती तटकरे यांनी, आम्ही दिलेले १५०० रुपये महिला या शॉपिंगवर खर्च करतात, पैसे महिलांच्या बँक खात्यात जमा झाल्यानंतर मार्केटमध्ये गर्दी वाढते, असेही त्यांनी म्हटले. तर हे वक्तव्य करताना तटकरे यांनी एक किस्साही सांगितला. त्या म्हणाल्या, व्यापारी विचारतात की, लाडक्या बहिणींचे पैसे कधी मिळणार? त्यांना पैसे मिळतात तेव्हा मार्केट गजबजलेले असते.
यामुळे लाभार्थी महिलांना सांगणे आहे की, आम्ही पैसे दिले की, ते सगळेच शॉपिंगवर खर्च करू नका. त्यातील शे-पाचशे रुपये हे बचत गट किंवा इतर बँका, सोसायटीमध्ये ठेवा, त्याचा योग्य वापर करा. त्याचा पुढील कालावधीमध्ये तुम्हाला फायदा होईल.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.