गेल्या वर्षभरापासून हे पद अजित पवार यांच्या राष्ट्रवादी काँग्रेसकडे आहे. कोकाटे यांनी गेल्या दहा महिन्यांत जिल्ह्याचे दौरे करून विकासकामांना गती देण्याचा प्रयत्न केला होता. मात्र, त्यांच्या राजीनाम्यानंतर आता जिल्ह्याच्या नेतृत्वाची धुरा कुणाकडे जाणार, याबाबत उत्सुकता वाढली आहे.
नंदुरबारमध्ये सध्या अशी चर्चा आहे की, जर जिल्ह्याचे पालकमंत्री पद थेट उपमुख्यमंत्री अजित पवार यांच्याकडे गेले, तर नंदुरबारच्या विकासालाही मोठी गती मिळू शकते. जिल्ह्याचे प्रश्न मार्गी लावण्यासाठी वजनदार नेतृत्वाची गरज असल्याने राजकीय वर्तुळात अजित पवारांच्या नावाची जोरदार चर्चा सुरू आहे. आगामी काळात सरकार यावर काय निर्णय घेते, हे पाहणे महत्त्वाचे ठरेल.
अजित पवार यांच्या राष्ट्रवादी काँग्रेसचे आमदार माणिकराव कोकाटे हे सदनिका गैरव्यवहार प्रकरणात दोषी आढळल्याने त्यांना मंत्रिपदाचा राजीनामा द्यावा लागला आहे. कोकाटे यांच्याजागी कुणाला मंत्रिपद मिळेल, याबाबत राजकीय वर्तुळात चर्चा सुरु आहे. अजित पवार हे माजी मंत्र्यांना संधी देणार की नव्या चेहऱ्याच्या गळ्यात मंत्रिपदाची माळ टाकणार, याकडे सगळ्याचे लक्ष लागले आहे. कोकाटेंकडील खाती सध्या अजित पवार यांच्याकडे देण्यात आली आहे.
कोकाटे यांनी राजीनामा दिल्यानंतर त्यांच्या जागी कोण येणार अशी चर्चा सुरु असताना काही नावे समोर येत आहे. कोकाटेकडील मंत्रिपद अन्य सहकाऱ्यांना देताना अजित पवारांकडून जातीय समतोल साधण्याचा प्रयत्न होणार असल्याचे समजते. माजी मंत्री धनंजय मुंडे, अनिल पाटील, संजय बनसोडे हे या खात्यासाठी इच्छुक असल्याची माहिती आहे.
अजित पवार माजी मंत्र्यांकडे हे खाते देणार की नवीन चेहऱ्याला संधी देणार याबाबत काही नावे समोर येत आहे. कोकाटेच्या जागी मराठा समाजातील नेत्याकडे हे खाते जाईल, अशी शक्यता वाटत आहे. असे झाले तर संग्राम जगताप, सुनील शेळके, प्रकाश सोळंखे ही तीन नावे समोर येत आहे. दुसरीकडे कोकाटे यांच्या जागी नव्या मंत्र्याची नेमणूक ही जिल्हा परिषद निवडणुका संपल्यावरच होणार असल्याची माहिती सूत्रांनी दिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.