Ajit Pawar Plane Crash News : संपूर्ण महाराष्ट्रासह देशाला हादरवणारी बातमी समोर आली आहे. बुधवारी सकाळी बारामती परिसरात एका व्हीआयपी प्रवासासाठी वापरल्या जाणाऱ्या खासगी विमानाचा भीषण अपघातात उपमुख्यमंत्री अजित पवार यांच्या विमानाचा बारामती येथे मोठा अपघात झाला.
या अपघातामध्ये अजित पवारांचा दुर्दैवी मृत्यू झाला आहे. बारामती येथील गोजुबावी परिसरातील धावपट्टीवर उतरत असताना विमानाचे नियंत्रण सुटले आणि ते शेतात कोसळले. मिळालेल्या माहितीनुसार, अजित पवार आज सकाळी 8 वाजता मुंबईहून विशेष विमानाने बारामतीकडे रवाना झाले होते.
अपघातग्रस्त विमान हे बॉम्बार्डियर लिअरजेट 45 या प्रकारचं होतं. हे एक मध्यम आकाराचं व्यावसायिक जेट विमान असून, खासगी प्रवास आणि व्हीआयपी सेवांसाठी वापरलं जातं. या विमानाची नोंदणी क्रमांक VT-SSK असून ते VSR या कंपनीकडून चालवण्यात येत होतं. लिअरजेट 45 हे विमान विश्वासार्हतेसाठी ओळखलं जातं आणि देश-विदेशात अनेक ठिकाणी अशा प्रकारची विमानं वापरात आहेत.
या विमानात 2 वैमानिकांसह जास्तीत जास्त 9 प्रवासी बसू शकतात. म्हणजेच एकूण अकरा जणांचा प्रवास या विमानातून शक्य असतो. विमानात दोन हनीवेल कंपनीचे टर्बोफॅन इंजिन्स बसवलेले असतात. प्रत्येक इंजिन सुमारे 3,500 पाउंड थ्रस्ट निर्माण करतं, ज्यामुळे विमानाला वेगाने उड्डाण घेणं आणि स्थिर उंचीवर उडणं शक्य होतं.
लिअरजेट 45 ची कमाल प्रवास क्षमता सुमारे 1,971 नॉटिकल मैल इतकी आहे. म्हणजेच ते एका वेळेस लांब पल्ल्याचा प्रवास करू शकतं. या विमानाचा क्रूझ वेग सुमारे 510 मैल प्रतितास इतका असून, त्यामुळे कमी वेळेत गंतव्यस्थळी पोहोचणं शक्य होतं. आधुनिक नेव्हिगेशन प्रणाली, सुरक्षित लँडिंगसाठी आवश्यक उपकरणं आणि आरामदायक केबिन ही या विमानाची वैशिष्ट्यं मानली जातात.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.