Akola News : महापालिका निवडणुकीनंतर आरक्षणाची सोडत जाहीर करण्यात आली आहे. या सोडतीनंतर सर्वच पक्ष अॅक्शन मोडमध्ये आले आहेत. भाजपचे सर्वाधिक महापालिकांमध्ये महापौर होण्याचा मार्ग मोकळा असला तरी अकोला महापालिकेत बहुमताच्या जवळ येऊनही त्यांची संधी हुकण्याची शक्यता आहे. त्यासाठी 'वंचित'चे प्रमुख प्रकाश आंबेडकर हे अॅक्शन मोडवर आले आहेत.
अकोल्यात वंचित, ठाकरेंची शिवसेना, एमआयएम, काँग्रेस, राष्ट्रवादी काँग्रेस शरदचंद्र पवार पक्ष आणि अजित पवारांची राष्ट्रवादी यांची संयुक्त बैठक प्रकाश आंबेडकरांच्या निवासस्थानी पार पडली. 45 मिनिटे चाललेल्या या बैठकीत भाजपला रोखण्यासाठी प्लॅन आखण्यात आला.
भाजपचे सर्वाधिक 38 नगरसेवक आहेत. तर, काँग्रेसचे 21 नगरसेवक आहेत. बहुतमासाठी 41 नगरसेवकांची संख्या आहे. त्यामुळे सर्व विरोधी पक्ष भाजपच्या विरोधात एकत्र आले आहेत. त्यामध्ये काँग्रेसने आपल्याला कोणते पद नको, असे म्हणत थेट ठाकरेंच्या शिवसेनेला प्रस्ताव दिला आहे. भाजप विरोधात सर्वांनी एकत्र यावे, असा प्रस्ताव काँग्रेसने मांडले आहे.
प्रकाश आंबेडकर म्हणाले की, एकत्र आल्यानंतर पहिल्या दिवसापासून आपल्याला काय त्रास होऊ शकतो याची चर्चा झाली.महापौर बसवायचा असेल तर काशा पद्धतीने बसवायला पाहिजे याविषयी चर्चा झाली. सत्तेचे वाटप कसे असावे याविषयी चर्चा झाली. एकंदरीत सकारात्मक चर्चा झाली.
एकूण जागा - 80
बहुमताचा आकडा - 41
भाजप - 38
काँग्रेस - 21
शिवसेना (ठाकरे )- 06
शिवसेना (शिंदे) - 01
राष्ट्रवादी काँग्रेस- 01
राष्ट्रवादी काँग्रेस (शरद पवार) - 03
वंचित - 05
एमआयएम - 03
अपक्ष : 02
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.