Assembly Election Exit Poll : सर्वाधिक जागा भाजपला, युती की आघाडीची सत्ता? एक्झिट पोलने कुणाचं वाढवलं टेन्शन?

Mumbai : महाराष्ट्रात कुणाची सत्ता येणार, याचा निकाल २३ नोव्हेंबरला लागणार असला तरी मतदानानंतरचे अंदाज आता समोर आले आहे. विविध संस्थांच्या एक्झिट पोल जाहीर होत असून इलेक्ट्रोरल एज या संस्थेनेच्या पोलनुसार राज्यात महाविकास आघाडीची सत्ता येताना दिसत आहे. आघाडीला १५० जागा मिळू शकतात, असा अंदाज वर्तवण्यात आला आहे.  

इलेक्टोरल एजच्या एक्झिट पोलनुसार राज्यात भाजप सर्वात मोठा पक्ष ठरू शकतो. भाजपला ७८ जागा मिळण्याचा अंदाज वर्तवण्यात आला आहे. त्यापाठोपाठ काँग्रेस दुसऱ्या क्रमांकाचा मोठा पक्ष ठरेल. काँग्रेसला ६० जागा मिळण्याची शक्यता आहे.

पक्षफुटीनंतर पहिल्यांदाच विधानसभा निवडणुकीला सामोरे जाणारे राष्ट्रवादी काँग्रेस आणि शिवसेना या पक्षांमध्ये कोण आघाडी घेणार, याबाबत उत्सुकता वाढली आहे. एक्झिट पोलनुसार शरद पवार आणि उद्धव ठाकरे यामध्ये आघाडी घेताना दिसत आहेत. शरद पवारांच्या राष्ट्रवादीला ४६ जागांवर विजय मिळेल, असा कल वर्तवण्यात आला आहे.

उध्दव ठाकरे यांची शिवसेना एकनाथ शिंदेच्या शिवसेनेपेक्षा वरचढ ठरू शकते, असाही अंदाज आहे. ठाकरेंना ४४ तर शिंदेंना केवळ २६ जागा मिळतील, असा अंदाज या एक्झिट पोलमध्ये वर्तवण्यात आला आहे. अजित पवारांचा राष्ट्रवादी काँग्रेस पक्ष १४ जागांसह सहाव्या क्रमांकावर राहील, अशी शक्यता आहे.

एक्झिट पोलची आकडेवारी –

भाजप – ७८

काँग्रेस – ६०

राष्ट्रवादी काँग्रेस (शरदचंद्र पवार) – ४६

शिवसेना (उद्धव ठाकरे) – ४४

शिवसेना – २६

राष्ट्रवादी काँग्रेस – १४

इतर – २०