Land Scam : एकनाथ शिंदे मुख्यमंत्री असताना संजय सिरसाट हे सिडकोचे अध्यक्ष होते. त्यांनी तब्बल पाच हजार कोटीची जमीन यशवंत बिवलकर यांना नाममत्रात दिली. या व्यवहारात कोट्यावधींचा भ्रष्टाचार झाल्याचा आरोप आमदार रोहित पवार यांनी केला होता. या प्रकरणी कोर्टात धाव घेण्यात आली होती.
दरम्यान, या कथित घोटाळ्याच्या चौकशी प्रकरणी राज्य सरकारने चौकशी समिती नेमली आहे. कोकण विभागीय आयुक्तांच्या अध्यक्षतेखाली ही समिती गठीत करण्यात आल्याने मंत्री संजय सिरसाठ यांची अडचण वाढणार असल्याची चर्चा आहे.
राज्य सरकारने गठीत केलेल्या चौकशी समितीमध्ये ठाण्याचे मुख्य वन संरक्षक ठाणे जिल्हाधिकारी , सिडको सहव्यवस्थापकीय संचालक, मुख्य भूमी आणि भूमापन अधिकारी ठाणे आणि रायगड यांचा समावेश करण्यात आला आहे.
सरकारने समिती स्थापन केली असली तरी समिती स्थापन करतानाही घोळ केलेला दिसतो. ज्या अधिकाऱ्याने (लक्ष्मीकांत जाधव) आजचा जीआर काढला आहे त्याच अधिकाऱ्याने जमीन देण्याची शिफारस करणारे पत्र सिडकोला लिहिले होते. आजच्या समितीत समितीचे सचिव म्हणून जे अधिकारी आहेत त्यांनीच बिवलकर यांना जमीन अलोट केली होती. हे सर्व बघता आजची समिती म्हणजे चोरालाच पोलीस केल्यासारखं आहे, असा दावा रोहित पवार यांनी ट्विट करत केला आहे.
केवळ समिती स्थापन करून चालणार नाही तर निवृत्त न्यायाधीशांच्या देखरेखीखाली स्वतंत्र चौकशी करणं गरजेचं आहे. शिवाय या प्रकरणाचं गांभीर्य बघता तसेच समितीची चौकशी प्रभावित होण्याची शक्यता बघता मंत्री शिरसाठ यांचा राजीनामा घेतलाच गेला पाहिजे. काहीही झालं तरी शिरसाठ साहेबांची यातून सुट्टी नाही, असे देखील रोहित पवार यांनी म्हटले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.