CM Fadnavis On Datta Gade : दत्तात्रय गाडेचा अक्षय शिंदे होणार! मुख्यमंत्री फडणवीसांनी एका वाक्यात विषय संपवला, म्हणाले...

Devendra Fadnavis News : पुणे शहरातील मध्यवर्ती स्वारगेट एसटी स्थानकात तरुणीवर अत्याचार करणाऱ्या दत्तात्रय खाडेला अखेर पोलिसांनी पकडले आहे. घटनेच्या तब्बल 70 तासानंतर आरोपीला अटक झाली आहे. त्याच्या अटकेनंतर त्याने तीन वेळा आत्महत्या करण्याचा प्रयत्न केल्याची माहिती पोलिस आयुक्त अमितेश कुमार यांनी दिली आहे. त्यामुळे मुख्यमंत्री देवेंद्र फडणवीस यांना दत्तात्रय खाडेचा अक्षय शिंदे होणार का? असा प्रश्न पत्रकारांनी विचारले असता त्यांनी एका वाक्यात यावर उत्तर दिले.

'आत्ता यावर बोलणं खूप घाईच होईल. या गोष्टीची निश्चित माहिती हाती आली की, त्यावर बोलणे अधिक योग्य होईल.',देवेंद्र फडणवीस म्हणाले. पुढे बोलताना त्यांनी सांगितले की, आरोपीला आत्ताच पोलिसांनी पकडले आहे. त्याला आज कस्टडी मिळेल. त्यानंतर चौकशी होईल, काही टेक्निकल डिटेल आमच्याकडे आल्या आहेत. काही फाॅरेनिक्सक डिटेल्स देखील आल्या आहेत. ती सगळी सगळी माहिती एकत्रित करून बोलणे अधिक योग्य होईल.

'पोलिसांनी आरोपीला अटक केली आहे. ही जी घटना आहे. त्या घटनेचा पर्दाफाश होईल. काही माहिती या स्टेजला देणे योग्य नाही. योग्य स्टेजला आल्यानंतर ती माहिती माध्यमांना दिली जाईल. योग्य घटनाक्रम काय आहे याची माहिती देखील आपल्याला मिळेल.', असे देखील देवेंद्र फडणवीस म्हणाले.

मंत्र्यांचे कान टोचले

मंत्री योगेश कदम यांनी तरुणीने कोणताही प्रतिकार केला नाही, तिथे कोणताही वादविवाद झाला नाही, त्यामुळे घटना अतिशय शांततेत घडली, असे म्हंटले होते.त्यावरून विरोधकांकडून त्यांच्यावर टीका करण्यात येत आहे. त्यामध्ये भाजपचे आमदार संजय सावकारे यांनी देखील अशा घटना पुण्यातच नाही तर देशातही घटत असल्याचे म्हटले होते. त्यावरून मुख्यमंत्री फडणवीसांनी दोघांचेही कान टोचले. ते म्हणाले, अशा घटनांबाबत बोलताना मंत्री, आमदारांनी निश्चितपणे संवदेनशीलपणे बोलले पाहिजे. बोलताना काही चूक झाली, तर त्याचा समाज मनावर एक वेगळा परिणाम होतो